گلۋبوكوە اۋدانىنداعى 42 كوپبالالى وتباسىندا تاربيەلەنىپ جاتقان بۇلدىرشىندەر مەملەكەتتىك جانە جەكەمەنشىك بالاباقشالارعا، سونداي-اق شاعىن-ورتالىقتارعا تەگىن بارادى. وسى ماقساتتا وبلىستىق بيۋدجەتتەن 2،3 ملن. تەڭگە قاراستىرىلعان. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگ بارىسىندا اۋدان اكىمى قاليحان بايعونىسوۆ ءمالىم ەتتى.

– كوپبالالى وتباسىنان شىققان 462 وقۋشىعا 8،6 ملن. تەڭگەگە مەكتەپ فورماسى ساتىپ الىندى. سونىمەن قاتار 786 بالا ىستىق تاماقپەن تەگىن قامتاماسىز ەتىلدى. ولاردىڭ دەنى كوپبالالى جانە از قامتىلعان وتباسىلاردا تاربيەلەنۋدە، – دەدى قاليحان بايعونىسوۆ.

اعىمداعى جىلدىڭ 1 قاراشاسىنا دەيىن اۋداندا مەملەكەتتىك اتاۋلى الەۋمەتتىك كومەك 1300 ادامعا تاعايىندالدى. ونىڭ ىشىندە 781 بالا تۇراتىن 262 كوپبالالى وتباسى بار.

گلۋبوكوە اۋدانىندا كوپبالالى وتباسىلاردى تۇرعىن ۇيمەن قامتاماسىز ەتۋ ماقساتىندا ءتيىستى جۇمىستار جۇرگىزىلۋدە. قايتالاما تۇرعىن ءۇي نارىعىندا 13 كوپبالالى وتباسى ءۇشىن جالپى سوماسى 31،1 ملن.تەڭگەگە 13 ءۇي ساتىپ الىندى.