وبلىس اكىمى اسقار مىرزاحمەتوۆتىڭ تاپسىرماسىمەن مەكتەپتەردە وقۋشىلاردىڭ قاۋىپسىزدىگىن قامتاماسىز ەتۋدەگى كەمشىلىكتەردى انىقتاۋ، ونىڭ ىشىندە مەكتەپ ينسپەكتورلارى مەن بەينەكامەرالاردىڭ جەتىسپەۋشىلىگى، وقۋ ورىندارىنىڭ اۋماعىندا قورشاۋدىڭ، سانيتارلىق جابدىقتاردىڭ بولماۋى جانە باسقا دا ماسەلەلەر بويىنشا جامبىل وبلىسىنىڭ پوليسيا دەپارتامەنتىمەن ارنايى جۇمىس توبى قۇرىلدى دەپ جازادى Qamshy.kz اقپارات اگەنتتىگى. بۇل تۋرالى جامبىل وبلىسى پوليسيا دەپارتامەنتىنىڭ باستىعى ارمان ورازالييەۆ فەيسبۋك جەلىسى ارقىلى حابارلادى. 

"وبلىس اكىمى اسقار مىرزاحمەتوۆتىڭ تاپسىرماسىمەن مەكتەپتەردە وقۋشىلاردىڭ قاۋىپسىزدىگىن قامتاماسىز ەتۋدەگى كەمشىلىكتەردى انىقتاۋ، ونىڭ ىشىندە مەكتەپ ينسپەكتورلارى مەن بەينەكامەرالاردىڭ جەتىسپەۋشىلىگى، وقۋ ورىندارىنىڭ اۋماعىندا قورشاۋدىڭ، سانيتارلىق جابدىقتاردىڭ بولماۋى جانە باسقا دا ماسەلەلەر بويىنشا جامبىل وبلىسىنىڭ پوليسيا دەپارتامەنتىمەن ارنايى جۇمىس توبى قۇرىلدى.
مەكتەپ جانىنداعى اۋماقتاردا كامەلەتكە تولماعانداردىڭ جىنىستىق قول سۇعىلماۋشىلىعىنا قارسى قىلمىستاردى بولدىرماۋ بويىنشا جۇمىستى كۇشەيتۋ ماقساتىندا، كۇندىزگى جانە كەشكى ۋاقىتتا پوليسيا قىزمەتكەرلەرى مەكتەپ اكىمشىلىگىنىڭ وكىلدەرىمەن بىرلەسىپ پاترۋلدەۋ ۇيىمداستىرادى.
سونداي-اق مەكتەپ ينسپەكتورلارىنىڭ ىس-ارەكەت الگوريتمى قايتا قارالدى. مەكتەپتەگى بەينەباقىلاۋ كامەرالارىنان بەينەلەردى تەك ديرەكتوردىڭ كابينەتىنە عانا ەمەس، سونىمەن قاتار ديرەكتوردىڭ تاربيە ءىسى جونىندەگى ورىنباسارى مەن مەكتەپ ينسپەكتورىنىڭ كابينەتتەرىنە شىعارۋ ماسەلەسى قارالۋدا.
تاراز قالاسىنىڭ №6 ورتا مەكتەبىندە ورىن العان قىلمىسقا بايلانىستى تاراز قالاسى پوليسيا باسقارماسىنىڭ جەرگىلىكتى پوليسيا قىزمەتىنىڭ باستىعىنا، تاراز ق. پب 2-پوليسيا ءبولىمىنىڭ جانە 2-پب جەرگىلىكتى پوليسيا قىزمەتى بولىمشەسىنىڭ باستىقتارىنا، 2-پب يۋۆەنالدىق پوليسيا جۇمىسىن ۇيىمداستىرۋ جونىندەگى اعا ينسپەكتورىنا قاتاڭ سوگىس جاريالاندى، ال مەكتەپ ينسپەكتورى ىشكى ىستەر ورگاندارىنان شىعارىلدى.
كامەلەتكە تولماعاندار جاساعان جانە كامەلەتكە تولماعاندارعا قاتىستى قىلمىستاردىڭ الدىن الۋ مەن جولىن كەسۋ ماسەلەلەرى مەنىڭ كۇندەلىكتى باقىلاۋىمدا"، - دەپ جازدى ارمان ورازالييەۆ ءوزىنىڭ فەيسبۋك پاراقشاسىنا. 

ەسكە سالساق، كەشە 12 جاستاعى ءجاسوسپىرىمنىڭ مەكتەپ اجەتحاناسىندا زورلانعانى انىقتالدى. كۇدىكتى بارلىق بەينەباقىلاۋ كامەرالارىنان انىق كورىنىپ تۇرعان. الايدا ەمىن-ەركىن جۇرگەن پەدوفيلگە ەشكىم ءمان بەرمەگەن.