جامبىل وبلىسىندا ازىق-تۇلىك ونىمدەرىنىڭ قاۋىپسىزدىگى كۇندەلىكتى باقىلاۋعا الىنعان. جەرگىلىكتى اۋىلشارۋاشىلىعى تاۋارىن وندىرۋشىلەردەن ساۋدا نۇكتەلەرىنە تۇسەتىن ەت پەن ءسۇت ونىمدەرى ارنايى ۆەتەرنيناريالىق زەرتحانالار ارقىلى قاداعالانادى، دەپ جازادى Qamshy.kz اقپارات اگەنتتىگى. 

ازىق-تۇلىك قاۋىپسىزدىگىن قامتاماسىز ەتۋ ماقساتىندا كوبىنە مالدار ارنايى مال سويۋ ورىندارىندا سويىلادى.

–بۇل جۇمىستارمەن وبلىستىڭ ءار ايماعىنداعى 11 مال سويۋبەكەتى جانە 52 مال سويۋ الاڭى، 3 ەت وڭدەۋ كومبيناتى جانە 1 قۇس ەتىن وڭدەۋ كاسىپورنى اينالىسادى. ەسەپتى كەزەڭدە بۇل ورىنداردا سويىلعان ءىرى قارا مالدىڭ جالپى سانى 18 699 باستى قۇراسا، ۇساق مالدىڭ سانى 72 044 باسقا جەتكەن. مال سويۋ الاڭدارىنا سويىلىپ، ساۋدا ورىندارىنا جونەلتىلەتىن ەت ونىمدەرى دە قاتاڭ باقىلاۋعا الىنعان. وبلىستاعى ساۋدا ورىندارىنا تۇسەتىن اۋىل شارۋاشىلىعى تاۋارىنوندىرۋشىلەردىڭ ەت پەن ءسۇت ونىمدەرىن 14 ستاسيونارلىق زەرتحانا تەكسەرەدى. ونىڭ ىشىندە 5 جەكە زەرتحانا بار. ۆەتەريناريالىق زەرتحانامەن قامتۋ اۋقىمىن كەڭەيتۋ ماقساتىندا جەكە مەنشىكتەگى زەرتحانالار جەلىسى جۇمىسىن شۋ،مەركى، ت.رىسقۇلوۆ اۋداندارىندا دا جولعا قويدىق. مۇنداي زەرتحانانىڭ ءبىرى تاراز قالاسىندا قىزمەت كورسەتۋدە. سونداي-اق كۇندەلىكتى تەكسەرۋ جۇمىستارىن جۇرگىزۋدە 4 جىلجىمالى ۆەتەريناريالىق-سانيتاريالىق لابوراتوريادا وڭتايلى كادەگە جاراۋدا،–دەيدى وبلىس اكىمدىگىنىڭ ۆەتەريناريا باسقارماسىنىڭ باسشىسى وسپان بەردياروۆ.

جالپى وڭىردەگى شارۋالاردىڭ سوڭعى جىلدارى ءوز ونىمدەرىن جەرگىلىكتى نارىقتا ساۋداعا شىعارۋعا قۇلشىنىسى ەرەكشە. الايدا دۇكەن سورەلەرىنە دەرتتى مال ونىمدەرىن وتكىزۋگە جول بەرىلمەيدى. سايكەسىنشە مالى دەرتكە شالدىققان شارۋالار دا بەكەرگە شىرىلداپ قالمايدى. ولارعا مۇنداي مال ونىمدەرىن الۋدىڭ ءتيىستى تالاپتارى ءتۇسىندىرىلىپ، ونىڭ نارىقتاعى قۇنىنىڭ 70 پايىزى كولەمىندەگى قۇنىنا تەڭ تولەم دە جاسالادى.

ۆەتەرينارلىق قىزمەتتەر اسىرەسە ەپيزووتيالىق جاعداي قيىنداعان شاقتا قاۋىرت ىسكە كوشىپ، ەت،ءسۇت ونىمدەرىن ءتيىستى قۇجاتتارسىز تاسىمالداعان شارۋالاردى جازاعا تارتادى.ماسەلەن ءسىبىر جاراسى اۋرۋى بەلەڭ الىپ تۇرعان شاقتا جۋالى اۋدانىنان تاراز قالاسىنا ىلەسپە قۇجاتسىز ەت تاسىعان كولىك جۇرگىزۋشىسىنە 20 ايلىق ەسەپتىك كورسەتكىش كولەمىندە ايىپپۇل سالىندى. ءدال وسى ەتتى قابىلداپ العان «سماعۇلوۆ» جەكە كاسىپكەرلىگى دە 20 ايلىق ەسەپتىك كورسەتكىش كولەمىندە ايىپپۇل تولەۋگە ءماجبۇر بولدى.