گلۋبوكوە اۋدانىندا شقو اكىمى دانيال احمەتوۆتىڭ باستاماسىمەن «100 اۋىلدى اباتتاندىرۋ» باعدارلاماسى ىسكە اسىرىلۋدا. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگ بارىسىندا اۋدان اكىمى قاليحان بايعونىسوۆ ءمالىم ەتتى.

اتالمىش باعدارلامانىڭ نەگىزىندە اۋدان ورتالىعى مەن ءتورتىنشى دەڭگەيلى بيۋدجەتكە كوشكەن 13 اۋىلداعى الەۋمەتتىك نىساندارعا اعىمداعى جوندەۋ جۇمىستارى جۇرگىزىلدى. وسى ماقساتتا وبلىستىق بيۋدجەتتەن 230،0 ملن. تەڭگە جۇمسالدى. بولىنگەن قاراجات ەسەبىنەن بەلوۋسوۆكا، ۆەرح-بەرەزوۆكا، پروگرەسس، پراپورششيكوۆا، بوبروۆكا، ۋشانوۆا، سەكيسوۆكا، تارحانكا، چەرەمشانكا اۋىلدارىنداعى سپورت كەشەندەرىنە جوندەۋ جۇمىستارى جۇرگىزىلدى. بۇدان بولەك التاي مەن گلۋبوكوە اۋىلدارىنداعى ساياباقتار اباتتاندىرىلدى. سونىمەن قاتار اۋدان ورتالىعىندا بالالارعا ارنالعان ويىن الاڭى سالىنىپ، قولدانىسقا بەرىلدى.

– "وڭىرلەردى دامىتۋ- 2020" مەملەكەتتىك باعدارلاماسى بويىنشا جەرگىلىكتى ءوزىن-وزى باسقارۋدى قارجىلاي قولداۋ اياسىندا اۋدانداعى اۋىلداردا كوشە جارىعىن تارتۋ، اۆتوموبيل جولدارىنا اعىمداعى جوندەۋ جۇمىستارىن جۇرگىزۋ، بەينەباقىلاۋ كامەرالارى مەن باعدارشامدار ورناتىلدى. شاعىن ساۋلەتتىك نىساندار قويىلدى. وعان 70،5 ملن. تەڭگە جۇمسالدى، – دەدى قاليحان بايعونىسوۆ.