مەركىلىك شارۋالار قوزى جانە ءمۇيىزدى ءىرى قارا مالدىڭ ەتىن ەكسپورتتاۋ ىسىندە كوش باستاپ تۇر. سايكەسىنشە بۇل سالاداعى سەرپىن ىشكى نارىققا جەتتىلىگىنە جۇمسامالاتىن ەت ءوندىرۋ كولەمىنىڭ دە ەسەلەپ ارتۋىنا مۇمكىندىك بەرۋدە، دەپ جازادى Qamshy.kz اقپارات اگەنتتىگى. 

اعىمداعى جىلى مەركىلىك شارۋالار ءمۇيىزدى ءىرى قارانىڭ سانىن 21 باسقا قوي مەن ەشكى سانىن 10244 باسقا، قامبار اتا تۇلىگىن 395 باسقا ۇلعايتا العان. سونىڭ ەسەبىنەن ولاردان الىناتىن ءونىم كولەمى دە ارتقان. ماسەلەن جىل باسىنان بەرى مەركىلىك شارۋالار 6384 توننا ەت، 26875،3 توننا ءسۇت جانە 1599،9 مىڭ دانا جۇمىرتقا ءوندىرىلدى. وتكەن جىلدىڭ وسى كەزەڭىمەن سالىستىرعاندا مال ونىمدەرىنىڭ بارلىق تۇرلەرىنەن ءونىم ءوندىرۋ كورسەتكىشى ەداۋىر ارتىپ وتىر.

بۇل ورايدا اۋدانداعى ەت، ءسۇت باعىتىندا قۇرىلعان كووپەراتيۆتەردىڭ كومەگى كولدەي. بۇگىندە اۋدانداعى 13 اۋىل شارۋاشىلىعى كووپەراتيۆىنىڭ 10-ى مال شارۋاشىلىعى باعىتىندا جۇمىس جۇرگىزەدى. ونىڭ ىشىندە 6 كووپەرتيۆ ءسۇت باعىتىندا جۇمىس جاسايدى. قازىرگى تاڭدا 231 مۇشەسى بار كووپەراتيۆتە 1711 باس ساۋىن سيىر بار. اعىمداعى جىلدىڭ قاڭتار-قىركۇيەك ايلارىندا كووپەراتيۆ مۇشەلەرىمەن 1668 توننا ءسۇت وندىرىلگەن. بۇل كووپەراتيۆتەر نەگىزىنەن مەركى ىرىمشىك زاۋىتىن شيكىزاتپەن قامتاماسىز ەتەدى. مال شارۋاشىلىعى سالاسىنداعى كووپەراتيۆتىڭ تاعى ءبىر شوعىرى ەت باعىتىندا جۇمىس جاسايدى. ءقازىر اۋداندار بۇل باعىت بويىنشا قىزمەت ەتەتىن 4 اۋىل شارۋاشىلىق كووپەراتيۆى بار. 237 قۇرىلتايشىسى بار اگروقۇرىلىم اعىمداعى جىلدىڭ العاشقى جارتى جىلدىعىندا 725،1 توننا ءونىم وندىرگەن. سونداي-اق 1اۋىل شارۋاشىلىعى كووپەراتيۆى قوي شارۋاشىلىعىنا سەرپىن بەرۋ ماقساتىندا قۇرىلعان.

اۋدانداعى مال شارۋاشىلىعىنىڭ دامۋىنا «سىباعا» مەملەكەتتىك باعدارلاماسىنىڭ قوسار ۇلەسى دە قوماقتى. ويتكەنى اعىمداعى جىلدىڭ 9 ايىندا ءدال وسىباعدارلاما شاراپاتىن سەزىنگەن مەركىلىك شارۋالار 294 ءمۇيىزدى ءىرى قارا مال ساتىپ العان. بۇل باعدارلاما بويىنشا تۇزىلگەن جىلدىڭ جوسپاردىڭ 85،3 پايىزىن قۇرايدى. ءدال وسى جوسپارعا ساي بيىل اۋدانداعى «سىباعا» ارقىلى 4870 باس قوي ساتىپ الىنۋى كەرەك بولعان. ءوز كەزەگىندە بۇل جوسپار ارتىعىمەن ورىندالىپ، مەركىلىك شارۋالار مەملەكەتتىك باعدارلاما بەرگەن مۇمكىندىك ەسەبىنەن 5718 شوپان اتا تۇلىگىن وتارعا قوستى.

وسىلايشا سالانى قولداۋداعى ءتۇرلى مەملەكەتتىك باعدارلامالار مەركىدەگى مال شارۋاشىلىعىنىڭ دامۋىنا كەڭ ءورىس اشىپ وتىر. سايكەسىنشە بۇل مۇمكىندىكتى اۋىل حالقىنىڭ الەۋمەتتىك جاعدايىن جاقسارتۋدىڭ لايىقتى رەتىندە قاراستىرۋعا ابدەن بولادى.