وڭىردەگى مەديسينالىق ۇيىمدارعا تولىقتاي مەديسينالىق اقپاراتتىق جۇيەcءى ەنگىزىلگەن. ءقازىر وبلىستا 391 دەنساۋلىق ساقتاۋ نىسانى بولسا بۇگىندە ونىڭ 383-ىندە ينتەرنەت جەلىسى قولجەتىمدى. ءوز كەزەگىندە سيفرلىق جۇيەنىڭ مۇمكىندىگىن جامبىلدىق دەنساۋلىق ساقتاۋ سالاسىنىڭ ماماندارى مىندەتتى الەۋمەتتىك مەديسينالىق ساقتاندىرۋ جۇيەسىنە حالىقتى سايكەستەندىرۋ بارىسىندا وڭتايلى كادەگە جاراتۋدا، دەپ جازادى Qamshy.kz اقپارات اگەنتتىگى. 

جالپى وبلىستاعى تاراز قالاسى مەن اۋدان ورتالىقتارىندا ورنالاسقان مەديسينالىق ۇيىمدار ينتەرنەت جەلىسىنە تولىقتاي قوسىلعان. وڭىردەگى دەنساۋلىق ساقتاۋ نىساندارىن ينتەرنەتپەن قامتۋ ۇلەسى 98 پايىزدى قۇراپ وتىر. بۇل كورسەتكىشتى 100 پايىزعا جەتكىزۋدە 8 نىساندا جىل سوڭىنا دەيىن ينتەرنەت قولجەتىمدى بولماق.

ءوز كەزەگىندە جەرگىلىكتى دەنساۋلىق ساقتاۋ سالاسىنىڭ ماماندارى وسىناۋ مۇمكىندىكتى كەلەسى جىلى ەنگىزىلەتىن مىندەتتى الەۋمەتتىك مەديسينالىق ساقتاندىرۋ جۇيەسىنە تۇرعىنداردىڭ ساناتىن وڭتايلاندىرۋ بارىسىندا پايدالانۋدا. ماسەلەن «حالىقتى تىركەۋ رەگيسترىندە» تىركەلگەن ادامداردىڭ 95،2 پايىزىنىڭ ەلەكتروندىق دەنساۋلىق پاسپورتتارى بار. جالپى «حالىقتى تىركەۋ رەگيسترىنە» 1 121 133 جامبىلدىق تىركەلگەن بولسا ونىڭ 1 068 261ء-نىڭ مالىمەتتەرى ەلەكتروندى دەنساۋلىق پاسپورتىنا ەنگىزىلگەن. ءدال وسى رەگيستر ارقىلى اعىمداعى جىلدىڭ 9 ايىنىڭ قورىتىندىسى بويىنشا مىندەتتى الەۋمەتتىك مەديسينالىق ساقتاندىرۋ جۇيەسىنە حالىقتى سايكەستەندىرۋ بارىسىندا 15 جەڭىلدىك ساناتىنداعى مەملەكەت تاراپىنان ساقتاندىرىلاتىن 700 387 ادام بارى انىقتالدى. ونىڭ 2 پايىزىن جەكە كاسىپكەرلەر قۇراسا، 22 پايىزى جالدامالى جۇمىسكەرلەرگە جاتادى. قازىرگى تاڭدا وبلىستا مىندەتتى الەۋمەتتىك مەديسينالىق ساقتاندىرۋدى ەنگىزۋ جۇمىستارىندا حالىقتىڭ ساناتىن وزەكتەندىرۋگە ايرىقشا ءمان بەرىلىپ كەلەدى. اسىرەسە ەلەكتروندىق بازا ارقىلى ءوزىن-وزى جۇمىسپەن قامتىعاندار ساناتىنا جاتاتىن تۇلعالاردى ساقتاندىرۋ ىسىنە كوڭىل ءبولىنىپ كەلەدى.

جالپى دەنساۋلىق ساقتاۋ سالاسىن ەلەكتروندى جۇيەگە كوشىرۋ ونداعى كورسەتىلەتىن قىزمەت ساپاسىن جوعارىلاتىندىعى دالەلدەنگەن. سونداي-اق ناۋقاستاردى ەلەكتروندى جۇيە ارقىلى قابىلداۋ دا دارىگەرلەردىڭ جۇمىس جۇكتەمەسىن جەڭىلدەتىپ، دەرتكە شالدىققاندارمەن ناتيجەلى جۇمىس جاساۋعا مۇمكىندىك بەرىپ وتىر. ەڭ باستىسى دەنساۋلىق ساقتاۋ قىزمەتىن الۋدا ينتەرنەت ارقىلى كەزەككە تۇرۋ ادىسىنە دە تۇرعىندار ءدان ريزا.