جىل باسىنان بەرى الماتىلىقتارعا تەگىن قىزمەت كورسەتكەن مەديسينا ۇيىمدارىنا 92،5 ملرد تەڭگەدەن استام قاراجات تولەندى.
«الەۋمەتتىك مەديسينالىق ساقتاندىرۋ قورى» كەاق الماتى فيليالىنىڭ دەرگىنشە، اتالعان قاراجات مەملەكەتتىك تاپسىرىس بويىنشا كورسەتىلىپ جاتقان تەگىن مەديسينالىق كومەك ءۇشىن تولەنگەن. ساقتاندىرۋ پاكەتى شەڭبەرىندە قىزمەت كورسەتۋ 2020 جىلى باستالادى.
ايتا كەتسەك، مەديسينالىق ساقتاندىرۋ قورى 2018 جىلدان بەرى مەملەكەتتىك بيۋدجەتتەن قارجىلاندىرىلاتىن كەپىلدەندىرىلگەن تەگىن كومەك پاكەتىنىڭ وپەراتورى. 2020 جىلدان باستاپ قور مىندەتتى الەۋمەتتىك مەديسينالىق ساقتاندىرۋ شەڭبەرىندە كورسەتىلەتىن قىزمەتتەردىڭ اقىسىن تولەي باستايدى.
جالپى، الماتى قالاسىندا 178 مەديسينا ۇيىمى مەديسينالىق ساقتاندىرۋ قورىمەن مەملەكەتتىك تاپسىرىستى ورىنداۋ جونىندە كەلىسىمشارت بەكىتكەن. ونىڭ باسىم بولىگى – جەكە مەنشىك كلينيكالار. 2019 جىلعا بەكىتىلگەن كەلىسىمشارتتىڭ جالپى سوماسى 117،3 ملرد تەڭگەنى قۇراپ وتىر.
