مەملەكەت باسشىسى ق.توقايەۆ قازاقستان حالقىنا العاشقى جولداۋىندا سىبايلاس جەمقورلىققا قارسى اياۋسىز كۇرەس جۇرگىزىلەتىنىن اشىق ايتقان بولاتىن. بۇل تۇرعىدا قىلمىستىڭ الدىن الۋ، قۇقىقتىق مادەنيەتتى جاقسارتۋ شارالارىنىڭ بەرەرى مول. وسى ورايدا تاراز قالاسىنداعى «بالاساعۇن» ورتالىق كونسەرت زالىندا ق ر سىبايلاس جەمقورلىققا قارسى ءىس-قيمىل اگەنتتىگى وبلىس بويىنشا دەپارتامەنتى مەن وبلىستىق ءبىلىم باسقارماسى بىرلەسە ۇيىمداستىرۋىمەن «ادال ۇرپاق» ەرىكتىلەر كلۋبىنىڭ سلەتى ءوتتى.
جالپى بيىلعى وقۋ جىلىندا وبلىستاعى 392 ورتا جانە نەگىزگى مەكتەپتەردە «ادال ۇرپاق» ەرىكتىلەر كلبۋى قۇرىلىپ، وعان 20712 بەلسەندى جوعارى سىنىپ وقۋشىلارى قامتىلعان بولاتىن. وبلىستىڭ 80 جىلدىعىنا وراي ۇيىمداستىرىلعان شارادا تاراز قالاسى، بايزاق، جامبىل، جۋالى، تالاس، سارىسۋ، ت.رىسقۇلوۆ، شۋ، قورداي اۋداندارىنان كەلگەن «ادال ۇرپاق» ەرىكتىلەرى كلۋبتارىنىڭ اتقارعان جۇمىستارىمەن تانىستىرىپ، لەد ەكرانعا بەينەروليك، فوتوسلايد تۇرىندە پرەزەنتاسيا جاسالىپ، ساحنالاندىرىلعان قويىلىمدارى كورسەتىلدى.
مۇنان سوڭ، ق ر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ باسشىسى ءادىلحان اشىربايەۆ ءسوز پەن وبلىس اكىمدىگى ءبىلىم باسقارماسىنىڭ باسشىسى راحيا تۇرماحانبەتوۆا ءسوز الىپ، ەرىكتىلەر كلۋبتارىنىڭ جۇمىسىنا ساتتىلىك تىلەدى.
«ادال ۇرپاق» ەرىكتى مەكتەپ كلۋبتارىنىڭ وبلىستىق سلەتىندە كوماندالىق ەسەپتە «پاراساتتى ازامات» نوميناسياسى سارىسۋ اۋدانىنا، «ادال جانە ساتىلمايتىن ەڭبەك بەينەسى» نوميناسياسى مەركى اۋدانىنا، «مەملەكەتتىك كورسەتىلەتىن قىزمەت الۋ» نوميناسياسى ت. رىسقۇلوۆ اۋدانىنا، «ەڭ ۇزدىك پاراساتتى ساعات» نوميناسياسى بايزاق اۋدانىنا، «ەڭ ۇزدىك تەاترلىق قويىلىم» نوميناسياسى تاراز قالاسىنا، «مەملەكەتتىك قىزمەت ەلدىڭ مۇددەسىنە ادال ەڭبەك!» نوميناسياسى بويىنشا ماراپات شۋ اۋدانىنا بۇيىردى. سونىمەن بىرگە «تارنسپارەنتتى جانە ەسەپ بەرەتىن مەملەكەت» ۇزدىك بەينەروليكتەر نوميناسياسىن تالاس اۋدانى، «ءبىزدىڭ تاڭداۋىمىز-زاڭدى مەملەكەت» نوميناسياسى جۋالى اۋدانى، «قوعامدىق ءتارتىپ نەگىزدەرىن ۇزدىك پىكىرتالاس پراكتيكۋمى» نوميناسياسى بويىنشا جامبىل اۋدانى، «قازاقستان-قۇقىقتىق مەملەكەتى» ۇزدىك ايلىعى نوميناسياسى ماراپاتتالدى.
سلەتتىڭ جەڭىمپاز كوماندالارعا ديپلومدارمەن جانە ارنايى سىيلىقتار تابىستالدى.
