ينۆەستيسيا تارتۋ-سالىق تۇسىمدەرىن ارتتىرۋمەن حالىق حالىق تۇرمىسىن تۇزەۋگە باعىتتالعان قادامداردىڭ ءبىرى. سوندىقتان دا ەلباسى نۇرسۇلتان نازاربايەۆ بۇل ماسەلەنى ۇنەمى باستى نازاردا ۇستاپ كەلەدى. مەملەكەت باسشىسى قاسىم-جومارت توقايەۆ تا «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى جولداۋىندا «شەتەلدەن تىكەلەي ينۆەستيسيا تارتۋ جۇمىستارىن بارىنشا جانداندىرۋ قاجەت. ونسىز الداعى ۋاقىتتا ەكونوميكالىق ءوسىم رەزەرۆى شەكتەۋلى بولادى. بۇل – اتقارۋشى بيلىك باسىمدىق بەرۋى ءتيىس مىندەتتەردىڭ ءبىرى.

قازاقستاننىڭ 2025 جىلعا دەيىنگى ستراتەگيالىق دامۋ جوسپارى اياسىندا ءاربىر سالا مەن ءوڭىر ءۇشىن ناقتى ماقساتتى كورسەتكىشتەر بەلگىلەنگەن.

مەملەكەتتىك ورگاندار، اسىرەسە، ءوڭىر اكىمدەرى سول كورسەتكىشتەرگە قول جەتكىزۋگە تىكەلەي جاۋاپتى بولادى» دەپ بۇل باعىتتاعى جۇمىستى جانداندىرۋدى تاپسىردى.

جوعارى دەڭگەيدە جۇكتەلگەن تاپسىرمالارعا سايكەس، جامبىل وبلىسىندا يگىلىككە باستايتىن ينۆەستيسيالىق جوبالار جۇزەگە اسۋدا.

مىسالى، 2018 جىلى جالپى قۇنى 10 ملرد. تەڭگەنى قۇرايتىن 6 ينۆەستيسيالىق جوبا ىسكە اسىرىلىپ، 481 جاڭا جۇمىس ورىنى اشىلدى.

بيىلعى جىلى جالپى قۇنى 11،9 ملرد. تەڭگەنى قۇرايتىن 8 ينۆەستيسيالىق جوباعا 693 جاڭا جۇمىس ورىندارىن اشۋ جوسپارلانعان بولاتىن.

اتالمىش جوبالاردىڭ ىشىنەن بيىلعى جىلعا قۇنى 4،5 ملرد. تەڭگەنى قۇرايتىن 3 ينۆەست جوبا ىسكە اسىرىلىپ 17 جاڭا جۇمىس ورىندارى قۇرىلدى، جانە دە 7،5 ملن.تەڭگەگە ءونىم ءوندىرىلدى.

اتاپ ايتساق، "كوردايسكيي مولوچنىي پرودۋكت" ج ش س «بالمۇزداق وندىرەتىن جاڭا اۆتوماتتاندىرىلعان جەلىنى ەنگىزۋ»، "GREENWILL" ج ش س «العاشقى اكۆوپونيكا تەحنولوگياسى نەگىزىندە سالات داقىلدارى مەن بالىقتى ءوندىرىپ وڭدەۋ»، "Super-pharm" ج ش س – «مەديسينالىق ماقساتتاعى ءبىر رەتتىك قولدانىلاتىن بۇيىمداردى وندىرەتىن زاۋىتتىڭ وندىرىستىك كورپۋسىنىڭ قۇرىلىسى» جوبالارىن جانداندىرۋدا. جوبانىڭ قۇنى – 3448،32 ملن.تەڭگە. جوبانىڭ جىلدىق قۋاتتىلىعى – 64 ملن.دانا. جوبا بويىنشا 108 جاڭا جۇمىس ورىندارى اشىلادى.

سونىمەن قاتار، اعىمداعى جىلى مەملەكەتتىك كارتاعا ەنگەن قۇنى 7،3 ملرد.تەڭگەنى قۇرايتىن 5 جوبانىڭ جىل سوڭىنا دەيىن جۇزەگە اسىرىلۋى جوسپارلانىپ وتىر. اشىلاتىن جاڭا جۇمىس ورىندارىنىڭ سانى – 471 بىرلىكتى قۇرايدى.

بۇل باعىتتاعى جۇمىستار جالعاسا بەرەدى.