«شاعىن، اسىرەسە، ميكروبيزنەس ەلىمىزدىڭ الەۋمەتتىك-ەكونوميكالىق جانە ساياسي ومىرىندە ماڭىزدى ءرول اتقارادى. اتاپ ايتقاندا، ەڭ الدىمەن اۋىل تۇرعىندارىنا تۇراقتى جۇمىس بەرەدى، جۇمىسسىزدىقتى ازايتادى. سونىمەن قاتار سالىق بازاسىن قۇراپ، جەرگىلىكتى بيۋدجەتتى نىعايتادى. سونداي-اق جاپپاي كاسىپكەرلىكتى دامىتۋ ساناعا سىڭگەن پاتەرناليستىك پيعىل مەن ماسىلدىقتان ارىلۋعا مۇمكىندىك بەرەدى. ەلىمىزدە كاسىپكەرلىكتى دامىتۋدىڭ ۇلگى بولارلىق مىسالدارى جەتكىلىكتى. ءبىز شاعىن كاسىپكەرلىكتى بۇكىل قوعام بولىپ قولداۋىمىز كەرەك». مەملەكەت باسشىسى قاسىم-جومارت توقايەۆ «سىندارلى-قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ كەپىلى» اتتى حالىققا ارناعان جولداۋىندا وسىلاي دەپ اتاپ كورسەتكەن بولاتىن.

شاعىن جانە ورتا كاسىپكەرلىكتى دامىتۋدىڭ ءتيىمدى تەتىكتەرىنىڭ بىرى-ينۆەستيسيا تارتۋ. بۇگىندە جامبىل وبلىسىندا بۇل باعىتتا ناتيجەلى جۇمىستار اتقارىلۋدا.

اعىمداعى جىلى مەملەكەتتىك كارتاعا ەنگەن قۇنى 7،3 ملرد.تەڭگەنى قۇرايتىن 5 جوبانىڭ جىل سوڭىنا دەيىن جۇزەگە اسىرىلۋى جوسپارلانىپ وتىر. اشىلاتىن جاڭا جۇمىس ورىندارىنىڭ سانى – 471 بىرلىكتى قۇرايدى.

اتاپ ايتقاندا "تاراز ارماتۋرا زاۋىتى" ج ش س – «قۇرىلىس ارماتۋراسىنىڭ ءوندىرىسى» جوباسىن جانداندىرماق. جوبانىڭ قۇنى 2177 ملن.تەڭگە. جوبانىڭ جىلدىق قۋاتتىلىعى 200 مىڭ توننا. جوبا بويىنشا 297 جاڭا جۇمىس ورىندارى اشىلادى.

ال سپك "كورداي كورم" – «قاجەتتى جابدىقتار ساتىپ الۋ جولىمەن مالعا ارنالعان قۇراما جەم ءوندىرىسىن كەڭەيتۋ» جوباسىن قولعا الادى. جوبانىڭ قۇنى – 67 ملن.تەڭگە. جوبانىڭ جىلدىق قۋاتتىلىعى 300 توننا جىلىنا. جوبا بويىنشا 2 جاڭا جۇمىس ورىندارى اشىلۋى جوسپارلانۋدا.

سول سياقتى "ەلنۋر اديل گرۋپپ» ج ش س – «ۇن تارتۋ ونىمدەرىن ءوندىرۋدى ۇيىمداستىرۋ» جوباسىن جۇزەگە اسىرۋدى كوزدەپ وتىر. جوبانىڭ قۇنى – 1316،2 ملن.تەڭگە. جوبانىڭ جىلدىق قۋاتتىلىعى جىلىنا 6000 توننا. جوبا بويىنشا 64 جاڭا جۇمىس ورىندارى اشىلۋى جوسپارلانۋدا.

بۇدان بولەك «BioVet KZ» ج ش س GMP جانە GLP ستاندارتىنا ساي ۆەتەرينارلىق پرەپاراتتار شىعاراتىن بيوكومبيناتتىڭ قۇرىلىسىن جۇرگىزبەك. جوبانىڭ قۇنى 2 ملرد. تەنگە. جوبانىڭ جىلدىق قۋاتتىلىعى 25 ملن. دوزالار. جوبا بويىنشا 55 جاڭا جۇمىس ورىندارى اشىلادى.

ال "Kisc" ج ش س – «قۇيىلۋ سەحىن جاڭعىرتۋ». جوباسىن ىسكە اسىرادى. جوبانىڭ قۇنى 1870 ملن.تەڭگە. جوبانىڭ جىلدىق قۋاتتىلىعى 24 مىڭ توننا. جوبا بويىنشا 150 جاڭا جۇمىس ورىندارى اشىلادى.

2019 جىلدىڭ 10 ايىندا نەگىزگى كاپيتالعا سالىنعان ينۆەستيسيا كولەمى جوسپارعا سايكەس 268،0 ملرد.تەڭگەنى قۇرايدى.

سونداي-اق، 2020 جىلى جالپى قۇنى 122،2 ملرد. تەڭگەنى قۇرايتىن

9 ينۆەستيسيالىق جوبانى ىسكە اسىرىلۋى جوسپارلانۋدا، 1199 جاڭا جۇمىس ورىنى اشىلۋدا دەپ كۇتىلۋدە.

بارلىق ينۆەستيسيالىق جوبالاردىڭ ىسكە اسىرىلۋى تۇراقتى باقىلاۋدا.