مەملەكەت باسشىسى قاسىم-جومارت توقايەۆ «سىندارلى-قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ كەپىلى» اتتى حالىققا ارناعان جولداۋىندا «شاعىن، اسىرەسە، ميكروبيزنەس ەلىمىزدىڭ الەۋمەتتىك-ەكونوميكالىق جانە ساياسي ومىرىندە ماڭىزدى ءرول اتقارادى. اتاپ ايتقاندا، ەڭ الدىمەن اۋىل تۇرعىندارىنا تۇراقتى جۇمىس بەرەدى، جۇمىسسىزدىقتى ازايتادى. سونىمەن قاتار سالىق بازاسىن قۇراپ، جەرگىلىكتى بيۋدجەتتى نىعايتادى. سونداي-اق جاپپاي كاسىپكەرلىكتى دامىتۋ ساناعا سىڭگەن پاتەرناليستىك پيعىل مەن ماسىلدىقتان ارىلۋعا مۇمكىندىك بەرەدى. ەلىمىزدە كاسىپكەرلىكتى دامىتۋدىڭ ۇلگى بولارلىق مىسالدارى جەتكىلىكتى. ءبىز شاعىن كاسىپكەرلىكتى بۇكىل قوعام بولىپ قولداۋىمىز كەرەك»،– دەپ اتاپ كورسەتكەن بولاتىن.

جامبىل وبلىسى اكىمدىگىنىڭ كاسىپكەرلىك جانە يندۋستريالدى – يننوۆاسيالىق دامىتۋ باسقارماسى ايماقتاعى كاسىپكەرلىك، ونەركاسىپ، ساۋدا جانە يندۋستريالدى دامىتۋ سالالارى بويىنشا بىرنەشە باعىتتاردا جۇمىستار جۇرگىزۋدە.

-يندۋستريالاندىرۋ كارتاسى جانە يندۋستريالدى – يننوۆاسيالىق دامۋ باعدارلاماسى اياسىندا ىسكە قوسىلۋعا جوسپارلانعان جوبالارعا مونيتورينگ جۇرگىزۋ، مەملەكەتتىك باعدارلامالاردىڭ شارتتارىن كاسىپكەرلەرگە ءتۇسىندىرۋ، سونداي-اق، جۇمىس ىستەپ تۇرعان ساۋدا نىساندارىنىڭ سىرتقى كەلبەتىنىڭ رەتكە كەلتىرۋىن تالاپ ەتۋ مەكەمەنىڭ نەگىزگى اتقاراتىن جۇمىسى بولىپ تابىلادى.

وسىعان وراي، باسقارما تاراپىنان يندۋستريالاندىرۋ كارتاسى اياسىندا ءبىرقاتار جوبالار جۇزەگە اسىرىلىپ جاتىر.

قازاقستان رەسپۋبليكاسىنىڭ يندۋستريالدى-يننوۆاسيالىق دامۋىنىڭ 2015-2019 جىلدارعا ارنالعان مەملەكەتتىك باعدارلاماسى اياسىندا، ەكىنشى بەسجىلدىقتا جامبىل وبلىسىندا كاسىپكەرلىك قولداۋ كارتاسى بويىنشا، جالپى قۇنى 55،5 ملرد. تەڭگەنى قۇرايتىن 33 ينۆەستيسيالىق جوبا جۇزەگە اسىرىلىپ، 2330 جاڭا جۇمىس ورىندارى اشىلۋدا،-دەيدى باسقارما باسشىسى جەڭىس سارييەۆ.

مىسالى، 2015 جىلى جالپى قۇنى 7 ملرد. تەنگەنى قۇرايتىن 4 ينۆەستيسيالىق جوبا ىسكە اسىرىلىپ، 371 جاڭا جۇمىس ورىندارى اشىلدى. ال 2016 جىلى جالپى قۇنى 18،7 ملرد.تەڭگەنى قۇرايتىن 8 ينۆەستيسيالىق جوبا ىسكە اسىرىلىپ، 344 جاڭا جۇمىس ورىندارى اشىلىپتى.

سونىمەن قاتار 2017 جىلى جالپى قۇنى 11،7 ملرد. تەڭگەنى قۇرايتىن 9 ينۆەستيسيالىق جوبا ىسكە اسىرىلدى جانە 646 جاڭا جۇمىس ورىندارى اشىلعان.