اگروونەركاسىپ كەشەنىن دامىتۋ-مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىندا ايقىندالعان باسىم باعىتتاردىڭ ءبىرى. وسى ورايدا جامبىل وبلىسىنىڭ اكىمى اسقار مىرزاحمەتوۆتىڭ باستاماسىمەن قولعا الىنعان تۇرعىنداردىڭ تۇرمىستىق تابىسىن ارتتىرۋ جوباسى كوپكە ۇلگى ەكەندىگى ءسوزسىز.

راسىندا، باستاما اۋىل تۇرعىندارىنىڭ تۇرمىستىق جاعدايىن كوتەرۋگە ۇلكەن سەپتىگىن تيگىزەدى. بۇل ماقساتتا تالاس اۋدانىنداعى ءۇشارال اۋىلدىق وكرۋگىندە «تالاس-2020» اۋىل شارۋاشىلىعى كووپەراتيۆى قۇرىلىپتى. باستاپقىدا 400 ميلليون تەڭگەگە تەحنيكا الۋدى جوسپارلاعان كووپەراتيۆ بۇگىندە ونىڭ باعاسىن ءتۇسىرىپتى. ياعني، 132 ميلليون 410 مىڭ تەڭگەگە اۋىل شارۋاشىلىعى تەحنيكالارىن الۋعا ءوتىنىم بەرىپ ۇلگەرگەن. بۇل قارجىعا سادىقبەك تىلەۋبەردييەۆ باسشىلىق ەتەتىن قۇرىلىم 22 تەحنيكا الۋدى جوسپارلاپ وتىر ەكەن.

– تەحنيكالاردىڭ بارلىعى نەسيەگە الىناتىندىقتان ونىڭ وتەۋى بولاتىنى ءسوزسىز. سوندىقتان بىزگە تەك قانا جۇمىس ىستەۋ كەرەك. ياعني، العان تەحنيكالارىمىز ءوز قۇنىن ءوزى شىعارۋى ءتيىس. ءارى اۋىل تۇرعىندارىن وزگە جاققا قىمبات باعاعا جالتاقتاتپاي، قولدا بارمەن سولارعا جۇمىس ىستەۋىمىز باستى مىندەت. سول سەبەپتەن العاشقى جۇمىسىمىزدى قاراتاۋ جوتاسىنا ارپا سەبۋدەن باستاعالى وتىرمىز. كەلەر جىلى كوكتەمنەن سونداعى جەردى ءتيىمدى پايدالانا وتىرىپ، اۋىلداعى اعايىنعا ارزانداتىلعان جەمشوپ بەرۋ جوسپارىمىزدا بار، – دەيدى كووپەراتيۆتىڭ اتقارۋشى ديرەكتورى س.تىلەۋبەردييەۆ.

ال باستامانىڭ بەسىنشى باعىتىندا تۇرعىنداردىڭ ءوز كاسىبىن اشۋى نەمەسە كەڭەيتۋى، شاعىن جوبالاردى قارجىلاندىرۋى كوزدەلگەن. بۇل ماقساتتا نيەت بىلدىرۋشىلەرگە 2،5 پايىزبەن نەسيە بەرىلەدى. دەگەنمەن اۋىل اكىمدىگىندەگى جاۋاپتى مامانداردىڭ ايتۋىنشا، تۇرعىنداردىڭ كوپشىلىگى اۋىل شارۋاشىلىعىنا جاتپايتىن كاسىپ اشۋ بويىنشا قۇجات جيناپ، جوبالارىن ۇسىنىپتى. ياعني، تەحنيكالىق جوندەۋ ورتالىقتارى مەن ۆۋلكانيزاسيا سەكىلدى. ال مۇنداي باستامالارعا جوبادان تىس 5 پايىزبەن نەسيە راسىمدەلەتىن كورىنەدى. وسىنى ەسكەرگەن اۋىل تۇرعىنى شالقار ابدۋللا ناۋبايحانا اشۋدى قولعا الىپتى.

– جاسىراتىنى جوق، وسى ۋاقىتقا دەيىن اس اتاسىن دۇكەنشىلەر وبلىس ورتالىعى تاراز قالاسىنان تاسىمالداپ كەلدى. سونىمەن قاتار جامبىل اۋدانى، اسا اۋىلىنان دا نان الىپ كەلىپ، اۋىلداعى اعايىنعا وتكەرەتىن. جوبانىڭ تيىمدىلىگىن پايدالانا وتىرىپ، ناۋبايحانا اشۋدى قولعا الىپ وتىرمىن. بۇگىندە ونىڭ قۇرىلىسى ءجۇرىپ جاتىر. الداعى ۋاقىتتا «تاراز» الەۋمەتتىك كاسىپكەرلىك كورپوراسياسى تاراپىپان قارجى تۇسەتىن بولسا، بىردەن قۇرال-جابدىقتارىمدى ساتىپ الاتىن بولامىن. ال ۇنمەن قامتاماسىز ەتۋ بويىنشا وسىندا جاڭادان قۇرىلعان كووپەراتيۆ قول ۇشىن سوزادى ەكەن، – دەيدى اۋىل تۇرعىن ش.ابدۋللا.