حالىقتىڭ ءال-اۋقاتى مەن ءومىر ساپاسىنىڭ جاقسى بولۋى اۋىل شارۋاشىلىعىنىڭ دامۋىمەن تىعىز بايلانىستى. سوندىقتان دا اۋىل شارۋاشىلىعى – ەل ەكونوميكاسىنىڭ ءساتتى دامۋىنا ەرەكشە سەرپىن بەرىپ وتىرعان نەگىزگى درايۆەرلەردىڭ ءبىرى ەكەندىگى داۋسىز. مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى جولداۋىندا دا اگروسەكتوردى دامىتۋ ماسەلەسىنە ايرىقشا ءمان بەرۋى تەگىن ەمەس.

ال اۋىل شارۋاشىلىعىن دامىتۋ – ەل ەكونوميكاسىنىڭ، تۇرعىنداردىڭ ءال-اۋقاتىن ارتتىرۋدا ءوزىنىڭ زور ۇلەسىن قوسۋدا.

بيىلعى جىلى جامبىل وبلىسىنىڭ اۋىل شارۋاشىلىعى سالاسىن دامىتۋعا 30،4 ميلليارد تەڭگە ءبولىندى، بۇل 2017 جىلمەن سالىستىرعاندا 14،9 ميلليارد تەڭگەگە ارتتى.

جالپى رەسپۋبليكا بويىنشا، ونىڭ ىشىندە جامبىل وڭىرىندە دە اۋىل شارۋاشىلىعى سالاسى قارقىندى دامۋدا. ايماقتا اعىمداعى جىلى 10 ايدا 275،6 ميلليارد تەڭگەنىڭ اۋىل شارۋاشىلىعى ءونىمى ءوندىرىلىپ، وتكەن جىلمەن سالىستىرعاندا ءوسىم 104،4 پايىزدى قۇرادى. بۇل رەسپۋبليكا بويىنشا ەڭ جوعارى كورسەتكىش.

مەملەكەتتىك باعدارلامالاردىڭ ءساتتى جۇزەگە اسۋى ناتيجەسىندە وبلىستىڭ وندىرىستىك كورسەتكىشتەرىندە تۇراقتى ءوسىم قالىپتاستى، اۋىل حالقىنىڭ تۇرمىس دەڭگەيى كوتەرىلىپ كەلەدى.

اتالعان جۇمىستا سالا قىزمەتكەرلەرى – اۋىل شارۋاشىلىعى ەڭبەككەرلەرىنىڭ ەڭبەكتەرى وراسان زور.

جامبىل ءوڭىرى اۋىل شارۋاشىلىعىن جۇرگىزۋگە وتە قولايلى ايماق ەكەنى بەلگىلى. اۋليەاتالىق شارۋالاردىڭ اعىمداعى جىلى مول ءونىم العانىن دا ماقتانىشپەن ايتا الامىز.

بيىلعى جىلى 333،5 مىڭ گەكتار ءداندى جانە ءداندى بۇرشاقتى داقىلدار ەگىن وراعىنا ءتۇسىپ، ءار گەكتاردان الىنعان ورتاشا ءونىم 25،0 سەنتنەردى قۇرادى جانە 763،2 مىڭ توننا استىق باستىرىلىپ، 92،2 مىڭ توننا ءونىم ارتىق الىندى.

سونداي-اق، وبلىس شارۋالارى 270،5 مىڭ توننا كارتوپ، 1 034،6 مىڭ توننا كوكونىس جينادى. 48،5 مىڭ توننادان استام مايلى داقىل ونىمدەرى ەل ىرىزدىعىنا اينالدى.

مىنە، وسىلايشا قاسيەتتى اۋليەاتا وڭىرىندە اگروونەركاسىپ كەشەنىن دامىتۋ باعىتىندا اتقارىلعان جۇيەلى جۇمىستار جەمىستى ناتيجەسىن بەرۋدە. بۇل، ارينە، ۇلكەن شارۋالاردىڭ ناقتى ناتيجەسى. ەڭ باستىسى ەڭبەك ادامدارىنا مەملەكەت باراپىنان لايىقتى قولداۋ كورسەتىلۋدە. قولداۋ بار جەردە قوزعالىستىڭ بولاتىنى ايتپاسا دا تۇسىنىكتى. اۋقىمدى جۇمىستار الداعى ۋاقىتتا دا جالعاسىن تابا بەرەتىن بولادى.