ەلىمىز ەگەمەندىك العالى بەرى اۋىل شارۋاشىلىعىن دامىتۋ ماسەلەسى كۇن تارتىبىنەن تۇسكەن ەمەس. ەلباسى-قازاقستان رەسپۋبليكاسىنىڭ تۇڭعىش پرەزيدەنتى ن.نازاربايەۆ قازاقستان حالقىنا جىل سايىنعى جولداۋلارىندا اگروونەركاسىپ كەشەنىن دامىتۋ ماسەلەسىن نازاردان تىس قالدىرعان جوق. مەملەكەت باسشىسى قاسىم-جومارت توقايەۆ تا سالاعا سەرپىلىس سىيلاۋ ماقساتىندا ستراتەگيالىق ماقساتتار قويىپ وتىر.

بۇل تۇرعىدا پرەزيدەنت: «اۋىل شارۋاشىلىعى – ءبىزدىڭ نەگىزگى رەسۋرسىمىز، ءبىراق ونىڭ الەۋەتى تولىق پايدالانىلماي وتىر.

ەل ىشىندە عانا ەمەس، شەتەلدە دە سۇرانىسقا يە ورگانيكالىق جانە ەكولوگيالىق تازا ءونىم ءوندىرۋ ءۇشىن زور مۇمكىندىكتەر بار.

ءبىز سۋارمالى جەر كولەمىن كەزەڭ-كەزەڭمەن 2030 جىلعا قاراي 3 ميلليون گەكتارعا دەيىن ۇلعايتۋىمىز كەرەك.

بۇل اۋىل شارۋاشىلىعى ءونىمىنىڭ كولەمىن 4،5 ەسە ارتتىرۋعا مۇمكىندىك بەرەدى.

ساۋدا جانە ينتەگراسيا، اۋىل شارۋاشىلىعى مينيسترلىكتەرى فەرمەرلەرگە ءوز ءونىمىن سىرتقا شىعارىپ ساتۋ ءۇشىن بارىنشا قولداۋ كورسەتۋى ءتيىس.

وسىعان وراي ۇكىمەتكە ءتيىستى تاپسىرما بەرىلدى. بۇل – ماڭىزدى مىندەت،

اۋىل شارۋاشىلىعى ءونىمىن ەكسپورتتاۋ ىسىندە شيكىزاتقا نەگىزدەلۋدەن باس تارتۋ كەرەك» دەپ اتاپ كورسەتتى.

قازىرگى تاڭدا جامبىل وبلىسىندا اۋىل شارۋاشىلىعىن دامىتۋدا بىرنەشە جوبالار ىسكە اسىرىلۋدا.

وتكەن جىلى اۋىل شارۋاشىلىعى القاپتارىنداعى سۋ جۇيەلەرى مەن كانالداردى تازارتۋ جانە قالپىنا كەلتىرۋ جۇمىستارىن جۇرگىزۋ ماقساتىندا قۇرىلعان مەح.وترياد بيىلعى جىلى 65 شاقىرىمدى قۇرايتىن سۋ جۇيەلەرىنە اعىمداعى جوندەۋ جۇمىستارىن جۇرگىزىپ، 5 مىڭ گەكتارعا جۋىق سۋارمالى القاپ قالپىنا كەلتىرىلدى. سوڭعى ەكى جىلدا 6247 گەكتار القاپ تولىق سۋمەن قامتاماسىز ەتىلدى.

اۋىل شارۋاشىلىعىنداعى باستى سالالاردىڭ ءبىرى - ول مال شارۋاشىلىعى.مال شارۋاشىلىعىندا 10 ايدىڭ قورىتىندىسى بويىنشا مال باسى ارتىپ، ءونىم كولەمى 3،3 پايىزعا ءوستى.وبلىستا «سىباعا باعدارلاماسى ارقىلى 4109 باس ءمۇيىزدى ءىرى قارا جانە 40 650 باس قوي ساتىپ الىندى.بيىلعى جىلى اۋىل شارۋاشىلىعىن دامىتا وتىرىپ، حالىقتىڭ ءال-اۋقاتىن جاقسارتۋعا ارنالعان «جامبىل وبلىسى تۇرعىندارىنىڭ تۇرمىستىق تابىسىن جاقسارتۋ» جوباسى ايماقتا جۇزەگە اسىرىلا باستادى.تيىمدىلىگى دالەلدەنگەن جوبانىڭ اۋىلداعى اعايىننىڭ قىزىعۋشىلىعىن تۋدىرعانى انىق. مال بورداقىلاۋ، ەگىن ەگۋ، جىلىجاي اشۋ، ءتىپتى شاعىن كاسىپ اشۋدى جوسپارلاعان ازاماتتارعا مۇمكىندىك بەرەتىن جوبا بيىل وبلىستىڭ 11 اۋىلىندا جۇزەگە اسىرىلۋدا. بۇل جوبانى اتقارعان جاعدايدا وسى اۋىلداردا اۋىل شارۋاشىلىعى ءونىمى 2،3 ەسەگە ارتادى.