الماتىدا 27 قاراشا كۇنى «Almaty Invest 2019» حالىقارالىق ينۆەستيسيالىق فورۋم وتەدى، دەپ حابارلايدى اكىمدىكتىڭ باسپا ءسوز قىزمەتى.

شارانىڭ تاقىرىبى قازاقستاننىڭ وڭتۇستىك استاناسىنىڭ ينۆەستيسيالىق تارتىمدىلىعىن ارتتىرۋ. 7 پانەلدىك سەسسياداعى پىكىرتالاستارعا 500-دەن استام ادام قاتىسادى. ونىڭ ىشىندە ءىرى الەمدىك جانە قازاقستاندىق كومپانيالاردىڭ، ق ر مينيسترلىكتەرىنىڭ، قارجى ينستيتۋتتارىنىڭ باسشىلارى جانە حالىقارالىق ۇيىمداردىڭ وكىلدەرى بار.

– فورۋمنىڭ ماقساتى – بيزنەستى دامىتۋدى ىنتالاندىرۋ، الماتىعا شەتەلدىك ينۆەستورلاردى تارتۋ جانە جاڭا جۇمىس ورىندارىن اشۋ بولىپ تابىلادى. الماتى شەتەلدەن كەلگەن ينۆەستورلار ءۇشىن ەڭ تارتىمدى وڭىرلەردىڭ ءبىرى بولدى جانە بولىپ قالا بەرەدى. اlmaty Investment Forum-بۇل الماتى كاسىپكەرلەرى مەن الەۋەتتى ينۆەستورلار اراسىندا ديالوگ ورناتۋعا، قىزىقتىراتىن سۇراقتار مەن قويىلعان مىندەتتەردى شەشۋ جولدارىن تالقىلاۋعا مۇمكىندىك بەرەتىن الاڭ، – دەيدى فورۋم ۇيىمداستىرۋشىلارى.

جاڭا جىبەك جولى بويىنداعى كولىك-لوگيستيكالىق ورتالىق رەتىندە پوزيسياسىن كۇشەيتۋى ءتيىس الماتىنىڭ ينفراقۇرىلىمدىق دامۋى دا جيىندا ءسوز بولاتىن كەلەلى ماسەلەلەردىڭ ءبىرى. Almaty Investment Forum 2019 سەسسيالارى اياسىندا الماتىنىڭ جاڭا حالىقارالىق تۋريزم ورتالىعى رەتىندە تۇساۋكەسەرى جوسپارلانعان. IT-بيزنەس كاپيتاندارى مەن ساراپشىلار الماتىداعى ستارتاپتار مەن يننوۆاسيالاردىڭ بولاشاق ءوسۋ سەكتورلارىن تالقىلايدى. فورۋم سەسسيالارىندا بەدەلدى ساياساتكەرلەر، بەلگىلى ەكونوميستەر مەن قارجىگەرلەر، الەمدىك ستارتاپ-جوبالاردىڭ نەگىزىن قالاۋشىلار جانە جەرگىلىكتى Think tank وكىلدەرى ءسوز سويلەيدى. اlmaty Investment Forum 2019 حەدلاينەرلەرى: تۇركيانىڭ بۇرىنعى ۆيسە-پرەمەرى مەحمەت شيمشەك، McKinsey جاھاندىق ينستيتۋتىنىڭ باسشىسى دجوناتان ۆوتسەل، TiE Global قاۋىمداستىعىنىڭ پرەزيدەنتى شارما ماحاۆير پراتار، ورتالىق جانە شىعىس ەۋروپا، ورتالىق ازيا ەلدەرى بويىنشا Nokia ۆيسە-پرەزيدەنتى ميككو لاۆانتي، كاتار ساۋدا-ونەركاسىپ پالاتاسىنىڭ ۆيسە-پرەزيدەنتى موحاممەد بين تاۋار ال-كاۆاري، سونداي-اق جەتەكشى قازاقستاندىق كومپانيالاردىڭ توپ-مەنەدجەرلەرى.