22 قاراشا كۇنى ساعات 17:00-دە قازاقستاننىڭ بارلىق ءىرى قالالارىندا "حالىق زاڭگەرى"جالپىرەسپۋبليكالىق اكسياسى باستالادى.
اكسيانىڭ ماقساتى - حالىقتىڭ قۇقىقتىق ساۋاتتىلىعىن ارتتىرۋ جانە تەگىن زاڭ كومەگىن كورسەتۋ. كەز كەلگەن ازامات ەڭ ۇزدىك مامانداردان كەلىپ، تەگىن كەڭەس الا الادى. ولار بەلگىلى ادۆوكاتتار، نوتاريۋستار، پروكۋرورلار، تەرگەۋشىلەر، سوت ورىنداۋشىلارى، پوليسەيلەر، كوشى-قون پوليسياسى، جىلجىمايتىن مۇلىكتى تىركەۋ باسقارماسى جانە مەملەكەتتىك ورگانداردىڭ باسشىلارى.
اكسيانى ۇيىمداستىرۋشى zakon.kz جەلىلىك باسىلىمى، ق ر سىبايلاس جەمقورلىققا قارسى ءىس-قيمىل اگەنتتىگى جانە "پاراگراف"اقپاراتتىق جۇيەسى. اكسياعا قازاقستاننىڭ ۇزدىك زاڭگەرلەرى مەن ادۆوكاتتارى قولداۋ كورسەتتى.
سەمەيدە اكسيا اباي كوشەسى، 94، مەكەنجايى بويىنشا ورنالاسقان قازاق يننوۆاسيالىق گۋمانيتارلىق-زاڭ ۋنيۆەرسيتەتىنىڭ عيماراتىندا وتەدى. (زاڭ فاكۋلتەتى)
پىكىر قالدىرۋ