"الدانعان ايەل"، "سارۆينوز"، "ۇلكەن اپا" فيلمدەرى ارقىلى كوپشىلىككە تانىلعان وزبەكستاننىڭ تانىمال اكتريساسى گاۆحار شاريپوۆا كوز جۇمدى – دەپ Qamshy.kz اقپارات اگەنتتىگى حابارلايدى، gazeta.uz -عا سىلتەمە جاساپ.

وقيعا قاشقاداريا وبلىسىنداعى ا–380 "ساماركاند – گۋزار" جولىندا بولعان.

وبلىستىق جول قوزعالىسى قاۋىپسىزدىگى باسقارماسىنىڭ مالىمدەۋىنشە، كولىك 140 كم/ساع جىلدامدىقپەن قوزعالىپ كەلە جاتقان. جولدا جۇرگىزۋشى اكتريساعا قول جۇگىرتەدى. گاۆحار شاريپوۆا ەسىكتى اشسا دا، جۇرگىزۋشىنىڭ كولىكتى توقتاتپاعان. وسىدان كەيىن 39 جاستاعى اكتريسا كولىكتەن سەكىرىپ كەتەدى. العان جاراقات سالدارىنان وقيعا ورنىندا كوز جۇمدى.

وزبەكستاننىڭ قىلمىستىق كودەكسىنىڭ 266-بابى 2-بولىگىنە سايكەس (كولىكتى باسقارۋ ەرەجەسىن بۇزۋ سالدارىنان بولعان ادام ءولىمى) قىلمىستىق ءىس قوزعالدى. قازىرگى تاڭدا تەرگەۋ جۇرگىزىلىپ جاتىر.