اتالمىش ءفيلمدى كورەرمەندەر ەلىمىزدىڭ بارلىق كينوتەاترلارىنان 21 قاراشادان باستاپ ورىس جانە قازاق تىلدەرىندە كورۋ الادى. ول تاريحي  وقيعالارعا نەگىزدەلگەن.

مۇندا ق ر اسكەري قىزمەتشىلەرىنىڭ تاجىك-اۋعان شەكاراسىندا بىتىمگەرلىك ماقساتتا قىزمەت اتقارۋ بارىسىندا، 1995 جىلى كوكتەمدە باستارىنان وتكەرگەن وقيعا باياندالادى. 7 ءساۋىر كۇنى  پشيحارۆ شاتقالىندا قازاقستان ىشكى اسكەرىنىڭ جەتىنشى قۇراما روتاسى سودىرلاردىڭ تۇتقيىلدان جاساعان شابۋىلىنىڭ وت پەن وقتىڭ قۇرساۋىنا ءتۇسىپ قالادى.

بۇل ۇرىستا 17 اسكەري قىزمەتشى وققا ۇشىپ، 33 ادام جاراقات العان ەدى. اۋعان جاعىنان شابۋىل جاساعان تاجىكستانداعى زاڭسىز وپپوزيسيانىڭ سودىرلارى ءبىر ساعاتتىڭ ىشىندە تاجىكستان اۋماعىنا ءوتىپ كەتۋدى جوسپارلاعان بولاتىن. ءبىراق ولارعا قارسى شابۋىلدىڭ وتە كۇشتى بولعاندىعىنان، بەس ساعاتتىق قارۋلى قاقتىعىستان كەيىن كەرى شەگىنۋگە ءماجبۇر بولعان.

بۇل وقيعا قازاقستان رەسپۋبليكاسى ىشكى اسكەرلەرىنىڭ تاريحىنداعى ەڭ قايعىلى وقيعا بولىپ قالادى. قازا بولعانداردىڭ بەسەۋى ەكىنشى دارەجەلى "ايبىن" وردەنىمەن ماراپاتتالدى. قازا تاپقان ساربازداردىڭ كوپشىلىگى شىمكەنت قالاسىنىڭ 6506 اسكەري بولىمىندە بولعان.

ءفيلمنىڭ پروديۋسەرى - دانيار يبراگيموۆ، ال يدەيا اۆتورى - ق ر ۇلتتىق ۇلانىنىڭ باس قولباسشىسى گەنەرال-لەيتەنانت رۋسلان جاقسىلىقوۆ.

ءفيلمنىڭ ءتۇسىرىلىمى الماتى وبلىسى، ىلە وزەنىنىڭ جاعاسىندا ءوتتى.

الداعى ۋاقىتتا فيلم 10 سەريادان تۇراتىن سەريال تۇرىندە تۇسىرىلەدى. ءفيلمنىڭ تەليەۆيزيالىق نۇسقاسى "Qazaqstan" تەلەارناسىندا كەلەسى جىلدىڭ 7 ساۋىرىنەن باستاپ، قارۋلى قاقتىعىستىڭ  25 جىلدىعىنا وراي كورسەتىلەدى.