قالا اكىمدىگىنىڭ باسپا ءسوز ورتالىعىندا الماتىدا 27 قاراشادا وتەتىن «Almaty Investment Forum-2019» ماسەلەلەرىنە قاتىستى بريفينگ ءوتتى.

فورۋمنىڭ باستى تاقىرىبى – قازاقستاننىڭ وڭتۇستىك استاناسىنىڭ ينۆەستيسيالىق تارتىمدىلىعىن ارتتىرۋ. فورۋمعا ءىرى الەمدىك جانە قازاقستاندىق كومپانيالاردىڭ باسشىلارى، ق ر ۆەدومستۆولارىنىڭ، قارجى ينستيتۋتتارىنىڭ جانە حالىقارالىق ۇيىمداردىڭ وكىلدەرى قاتىسادى دەپ حابارلادى، - الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين.

قازىرگى كەزدە شاقىرىلعانداردىڭ ىشىنەن 350-دەن استام ادام وزدەرىنىڭ قاتىساتىنىن راستادى. ولاردىڭ اراسىندا الەمنىڭ 20-دان استام ەلىنەن (ۇلىبريتانيا، اقش، گەرمانيا، فرانسيا، تۇركيا، باە، كاتار، ينديا جانە باسقالارى) 200-گە جۋىق شەتەلدىك قاتىسۋشى بار.

فورۋمنىڭ بارىسىندا «الماتىعا ينۆەستيسيالىق كوزقاراس: ىنتىماقتاستىقتىڭ جاڭا مۇمكىندىكتەرى» تاقىرىبىندا پلەنارلىق وتىرىس، ءبىرقاتار پانەلدى سەسسيالار مەن «دوڭگەلەك ۇستەلدەر» وتەدى، بۇلاردا يننوۆاسيانى، كاسىپكەرلىك پەن ءتۋريزمدى، ءبىلىم مەن دەنساۋلىق ساقتاۋدى ينۆەستيسيالاۋدى دامىتۋ ماسەلەلەرى، جىلجىمايتىن مۇلىك نارىعىنىڭ باستى باعىتتارى تالقىلانادى.

انىقتاما:

1. «سمارت-سيتي: ادامدار، قالا جانە جاڭا تەحنولوگيالار» (پانەلدى سەسسيا).

2. «جىلجىمايتىن مۇلىك ترەندىلەرى : ينۆەستيسيالىق الەۋەت جانە جاڭا تەحنولوگيالار» ("دوڭگەلەك ۇستەل").

3. «بولاشاقتىڭ ىرگەتاسى: بىلىمگە، عىلىم مەن دەنساۋلىق ساقتاۋعا ينۆەستيسيا تارتۋ» ("دوڭگەلەك ۇستەل").

4. «ءىرى ينفراقۇرىلىمدىق جوبالاردىڭ گەوەكونوميكاسى: الماتى ۇلى جىبەك جولىنىڭ ورتالىعىندا» (پانەلدى سەسسيا).

5. «ءوسىم مەن يننوۆاسيانى دامىتۋدىڭ بولاشاق سەكتورلارى (پانەلدى سەسسيا).

6. «ءتۋريزمدى دامىتۋ. الماتى ءتۋريزمنىڭ جاڭا حالىقارالىق ورتالىعى ىسپەتتى» (پانەلدى سەسسيا).

تالقىلاۋعا 20-دان استام ۆيپ-سپيكەرلەر مەن مودەراتورلار قاتىسادى، ولاردىڭ اراسىندا East-West Digital News نەگىزىن قالاۋشىلاردىڭ ءبىرى جانە باس رەداكتورىادريان حەنني،Tie Global قاۋىمداستىعىنىڭ پرەزيدەنتى ماحاۆير پراتاپ شارما،Crimson Logic ۆيسە-پرەزيدەنتىيونگ ۆي تان،Boston BIOPHARMA قۇرىلتايشىلارىنىڭ ءبىرى، ديرەكتورلار كەڭەسىنىڭ مۇشەسىگرەگوري ۆودجاكا جانە باسقالارى بار.

بۇگىنگى كۇنگە دەيىن بەكىتىلگەن سپيكەرلەردىڭ ىشىندە مىنالار بار: Qatar Invest LLC & Dome Group Financial Advisors Ltd كەڭەسشىسى، تۇركيانىڭ بۇرىنعى ۆيسە-پرەمەر-مينيسترى (2015-2018) - مەحمەت شيمشەك؛ لوردتار پالاتاسىنىڭ مۇشەسى، ۇلىبريتانيانىڭ ساۋدا جانە ونەركاسىپ ەكس-مينيسترى، الەۋمەتتىك قامسىزداندىرۋدىڭ ەكس-مينيسترى - لورد پيتەر ليلەي؛ كاتاردىڭ ساۋدا-ونەركاسىپ پالاتاسىنىڭ ۆيسە-پرەزيدەنتى موحاممەد بين تاۋار ال-كاۆاري؛ McKinsey جاھاندانۋ ينستيتۋتىنىڭ ديرەكتورى دجوناتان ۆوتسەل، NOKIA ۆيسە-پرەزيدەنتى ميككو لاۆانتي؛ TAV Airports پرەزيدەنتى ساني شەنەر؛ Google ۆيسە- پرەزيدەنتى مەير براند بار.

Financial Times باس رەداكتورىنىڭ ورىنباسارى دجەيمس كينگ پلەنارلىق وتىرىستىڭ مودەراتورى بولادى.

فورۋم بارىسىندا ءبىرقاتار مەموراندۋمدارعا قول قويۋ جوسپارلانعان.

قازاقستانداعى حالىقارالىق كومپانيالار وكىلدىكتەرى اراسىنان فورۋمعا قاتىساتىندار: ەبرر، ەۆروباك، ابر، بۇكىلالەمدىك بانك، قازاقستانداعى جۇڭگو بانكى، MUFG Bank، Tengri Bank، Al Hilal Bank، Mitsubishi، EY، PwC، KPMG، Samsung، Nokia، Sun Pharma، BASFC.A.، Philip Morris International، CNPC، Chevron جانە باسقالارى.

جالپى، الماتى شەتەلدىك ينۆەستورلار ءۇشىن بارىنشا تارتىمدى ءوڭىر بولدى جانە سولاي بولىپ قالا بەرەدى. ينۆەستيسيالىق فورۋم حالىقارالىق بايلانىستاردى نىعايتۋدىڭ جانە ۇزاق مەرزىمدى كەلىسىمدەردى جاساۋدىڭ ۇزدىك ديالوگ الاڭىنا اينالادى.