الماتى قالاسىنىڭ اكىمى باقىتجان ساعىنتايەۆ Nur Otan پارتياسىنىڭ قوعامدىق قابىلداۋىندا تۇرعىندارمەن كەزدەستى. بۇل تۋرالى قالا اكىمى ءوزىنىڭ facebook-تەگى پاراقشاسىندا جازدى.
ونىڭ ايتۋىنشا، قابىلداۋعا كەلگەن تۇرعىندار تەك ءۇي، جەر، كوممۋنالدىق پروبلەمالارىن شەشۋ ءۇشىن عانا كەلمەيدى. كوپتەگەن جاندار مۇندا جاقسى يدەيالارىمەن دە كەلەدى.
"بۇگىنگى قابىلداۋعا كەلگەندەردىڭ اراسىندا مۇمكىندىگى شەكتەۋلى جانداردىڭ ماسەلەلەرىمەن اينالىساتىن ارنۇر ىسقاقوۆ پەن نۇرگۇل سەيىتبەكوۆا بولدى. ولاردىڭ «بەلسەندى ءومىر» فورۋمىن وتكىزۋ جانە ىڭعايلى كيىمدەر تىگۋ جونىندەگى الەۋمەتتىك ماڭىزى بار جوبانى جۇزەگە اسىرۋ تۋرالى ۇسىنىسىن قولدايمىز.
قولجەتىمدى ورتانى قاماتاماسىز ەتۋ – Nur Otan پارتياسى قالالىق فيليالىنىڭ باقىلاۋىندا تۇرعان ماڭىزدى ماسەلەلەردىڭ ءبىرى. اپپاراتتىق جيىندا «كەدەرگىسىز كەلەشەك» پارتيالىق جوبا تۋرالى اقپاراتتى تىڭدادىق. مۇمكىندىگى شەكتەۋلى جاندارعا قولجەتىمدى ورتانى قالىپتاستىراتىن ءارى مەملەكەتتىك قىزمەتتى كورسەتەتىن 20 ۇيىمنىڭ جۇمىستارىندا كەمشىلىكتەر بار، – دەپ مالىمدەدى قالاباسشىسى.
ونىڭ سوزىنشە، پارتيانىڭ قالالىق فيليالىنىڭ كەلەسى وتىرىسىندا اتالعان وبەكتىلەر باسشىلارى كورسەتىلگەن پروبلەمالاردىڭ قالاي شەشىلىپ جاتقانىن باياندايتىن بولادى.
پىكىر قالدىرۋ