بۇگىن، 22 قاراشادا مەديكتەر 8 مىڭعا جۋىق قالالىق مەديسينالىق تەكسەرۋدەن وتكەن مەگاپوليستىڭ 30-دان استام شەت ايماعىندا بولدى.

ەندوكرينولوگ، كارديولوگ، جالپى پراكتيكا دارىگەرى، وفتالمولوگ، گينەكولوگ جانە باسقا كاسىبي دارىگەرلەر قابىلداۋلار وتكىزدى. مۇندا قانداعى حولەستەرين جانە قانت دەڭگەيىن انىقتاۋ ءۇشىن قان تاپسىرۋ ەكسپرەسس-ادسىپەن اتقارىلدى، قان قىسىمى تەكسەرىلدى، ەكگ دياگنوستيكاسى جاسالدى، ۆيچ-ينفەكسياسىن جانە باسقا دا سىرقاتتاردى انىقتاۋدىڭ ەكسپرەسس-تەستىلەرى جۇرگىزىلدى. مۇنىڭ بارلىعى قادامدىق قولجەتىمدىلىك بارىسىندا اتقارىلدى، ويتكەنى ولاردىڭ كەيبىرەۋلەرىنىڭ ءوز ەمحانالارىنا بارۋىنا مۇمكىندىكتەرى بولا بەرمەيدى.

«مەن مۇنداي اكسيالار وتە قاجەت دەپ ەسەپتەيمىن. ءقازىر ادامداردىڭ بارلىعى جۇمىس ىستەيدى، سوندىقتان ەمحاناعا بارىپ قارالۋلارىنا مۇمكىندىكتەرى جوق. جۇمىس ورنىمدا قىسىمىمدى تەكسەرتتىم، قانتى انىقتاۋ ءۇشىن قان تاپسىردىم، ونىڭ مولشەرى ارتىپ كەتىپتى. ەمدەلۋ كەرەك. مىناداي اكسيالاردى ۇيىمداستىرۋشىلارعا راحمەت»، – دەپ اتاپ ءوتتى حقكو قىزمەتكەرى مارات عازيزوۆ.

سونىمەن قاتار، مەديسينا قىزمەتكەرلەرى قالا تۇرعىندارى اراسىندا اقپاراتتىق-تۇسىنىك جۇمىستارىن دا جۇرگىزۋدە، مىندەتتى الەۋمەتتىك مەديسينالىق ساقتاندىرۋ ماسەلەلەرى، سكرينينگتىك تەكسەرۋلەردەن ءوتۋ قاجەتتىگى جانە باسقادا تولعاندىراتىن ماسەلەلەر جەتە تۇسىندىرىلۋدە.

ەسكە سالساق، الماتىدا دەنساۋلىق ايلىعى 29 قازاندا باستالدى جانە بيىلعى جىلدىڭ 1 جەلتوقسانىنا دەيىن جالعاسادى. ايلىقتىڭ ماقساتى – حالىقتى قادامدىق جاقىندىقتا مەديسينالىق قىزمەتپەن قامتۋ جانە مەگاپوليس تۇرعىندارىنىڭ ءوز دەنساۋلىعىن ساقتاۋعا ىقپال ەتۋ.