الاتاۋ اۋدانىنداعى از قامتىلعان كوپبالالى وتباسىلارعا قولداۋ كورسەتۋ ءۇشىن «باقىتتى وتباسى الاتاۋ» ورتالىعى اشىلدى. ورتالىقتىڭ جوبالىق قۋاتى – كۇنىنە 100 ادام. مۇندا از قامتىلعان كوپبالالى وتباسىلاردىڭ جۇمىسسىزدىق دەڭگەيىن تومەندەتۋگە، قيىن ومىرلىك جاعدايدان شىعۋلارىنا ىقپال ەتەتىن «ىسكەر انا» باعدارلاماسى قولعا الىنعان. الاتاۋ اۋدانىنىڭ 108 كوپبالالى انالارى «باستاۋ بيزنەس كاسىپكەرلىك نەگىزدەرى» كۋرستارى اياسىندا «جاس كاسىپكەر» جوباسى بويىنشا 505 000 تەڭگە كولەمىندە (200 واك) گرانتتار الدى. قازىرگى كەزدە اۋداننىڭ تاعى 85 اناسى وقۋدا.

17 كوپبالالى انالار ءوز بيزنەستەرىن اشتى، «مەنىڭ كاسىبىم» جوباسى بويىنشا 10 كوپبالالى انا قاجەتتى تاۋارلارمەن، جابدىقتارمەن (تىگىن ماشينالارى، پەشتەر، توڭازىتقىشتار، مانيكيۋر قۇرالدارى، ماتەريالدار جانە باسقالارى) قامتاماسىز ەتىلدى، ءقازىر ولار ءوز جوبالارىن ويداعىداي جۇزەگە اسىرۋدا.

الاتاۋ اۋدانىنىڭ تۇعىندارى «بيۋدجەتكە قاتىسۋ» جوباسى اياسىندا قۇنى 1،2 ملرد. تەڭگە بولاتىن 32 ۇسىنىس ەنگىزدى، 1 ملرد. تەڭگەنىڭ 26 جوباسى داۋىس بەرۋگە جىبەرىلدى.

«Open Almaty» سايتىنداعى اشىق داۋىس بەرۋ ناتيجەسى بويىنشا قۇنى 439، 7 ملن. تەڭگە بولاتىن 8 جوبا جەڭىمپاز اتاندى.

«الماتىلىقتارمەن مۇنداي كەزدەسۋلەر بىزگە قالانى دامىتۋدىڭ ماڭىزدى شەشىمدەرىن قابىلداۋعا كومەكتەسەدى. جوعارىدا اتالعان جوبالار الاتاۋ اۋدانى تۇرعىندارى وتىنىشتەرىنىڭ نەگىزىندە جۇزەگە اسۋدا. بۇل قالالىقتارمەن بىرلەسىپ جۇمىس جاساۋ كەرەك دەگەن مەنىڭ ءسوزىمدى دالەلدەيدى»، - دەپ اتاپ ءوتتى قالا اكىمى باقىتجان ساعىنتايەۆ.