الماتى قالاسىندا تاۋلىكتەن استام ۋاقىت بويىنا اراسىندا ۇزىلىستەرمەن قار جاۋىپ جاتىر. 25 قاراشانىڭ ەكىنشى جارتىسىندا قاردىڭ جاۋى توقتاۋى مۇمكىن. جالپى، قالاعا قالىڭدىعى 8-13 سم قار ءتۇستى، ال تاۋ ەتەگىندەگى اۋدانداردا ونىڭ قالىڭدىعى 18 سانتيمەترگە دەيىن جەتتى.

كوكتايعاقتىڭ الدىن الۋ ماقساتىندا ءتۇن مەزگىلىندە كوكتايعاققا قارسى ماتەريالدار سەبىلدى، قار جاۋعان كەزدە توگىلگەنى – 4609 توننا. 417 ارنايى تەحنيكا بىرلىگى، ونىڭ ىشىندە 172 قۇملاقتىرعىش بار. 627 جۇمىسشى قار تازالادى.

تاڭنان بەرى 508 تەحنيكا بىرلىگى جۇمىلدىرىلىپ، 1788 جول جۇمىسشىسى قار تازالاۋدا. قالانىڭ جوعارى ورنالاسقان اۋداندارىندا ارنايى تەحنيكالار كولوننالارى جولدىڭ قوزعالىس بولىگىندەگى قاردى سىرتقا شىعارۋدا.

تاڭعى تىعىز ۋاقىتقا دەيىن تروتۋارلار، ورتاق پايدالاناتىن جەرلەر، جاياۋ جۇرگىنشى ايماقتارى، وتپەلى جولدارعا كىرەتىن جانە شىعاتىن جەرلەر قاردان تازارتىلدى.