الماتى اكىمى ب. ساعىنتايەۆ قالالىقتاردى «قادامدىق جاقىندىقتا» الەۋمەتتىك قىزمەتتەرمەن قامتاماسىز ەتۋ ءۇشىن مەديسينا ساپاسىن ارتتىرۋ جونىندە قانداي شارالاردىڭ جۇزەگە اساتىنى تۋرالى ايتتى.

قالا مەديسينا سالاسىنداعى ناقتىلى ءىستى انىقتاۋ ءۇشىن بارلىق مەديسينالىق مەكەمەلەرگە اۋديت جۇرگىزىلدى. ەمحانالار مەن اۋرۋحانالارداعى 30 مىڭنان استام جابدىقتاردىڭ 10 مىڭ تەحنيكالىق بىرلىگى مورالدىق جانە فيزيكالىق جاعىنان توزعان.

«وسىعان وراي، ءاربىر مەديسينا ۇيىمدارى جانە اۋداندار بويىنشا جابدىقتاردى مودەرنيزاسيالاۋدىڭ ءۇش جىلدىق جوسپارى ازىرلەندى. مەديسينالىق جابدىقتاردى ساتىپ الۋعا 60 ملرد. تەڭگەدەن استام قارجى جۇمساۋ جوسپارلانۋدا. 2020 جىلدىڭ وزىندە 20 ملرد. تەڭگەنىڭ جابدىقتارى الىناتىن بولادى»، – دەدى قالا اكىمى باقىتجان ساعىنتايەۆ.

بۇدان وزگە «قادامدىق جاقىندىق» قاعيداسى بويىنشا تاياۋداعى ءۇش جىل ىشىندە جاڭا ىقشاماۋداندار مەن قالاعا قوسىلعان اۋماقتاردا 35 دارىگەرلىك امبۋلاتوريالار اشىلادى. ولاردىڭ جەتەۋى ءقازىردىڭ وزىندە جۇمىس ىستەۋدە. جىل اياعىنا دەيىن تاعى ۇشەۋى اشىلادى.

الاتاۋ اۋدانىندا قاراشادا جەدەل مەديسينالىق كومەك قىزمەتىنىڭ جاڭا قوسالقى ستانساسى اشىلدى، وسىنىڭ ارقاسىندا اۋەزوۆ جانە الاتاۋ اۋداندارىنىڭ سىرقاتتارىنا دارىگەرلىك بريگادالاردىڭ بارۋ ۋاقىتى 25 مينۋتتان 11-13 مينۋتقا دەيىن قىسقاردى.