وكق-داعى بريفينگتە الماتى اكىمى باقىتجان ساعىنتايەۆ قوعامدىق قاۋىپسىزدىكتى نىعايتۋ، قالالىقتاردىڭ قاۋىپسىزدىگىن قامتاماسىز ەتۋ جانە كريمينالمەن كۇرەستى كۇشەيتۋ شارالارى تۋرالى ايتتى.

قوعامدىق قاۋىپسىزدىك – الماتى اكىمى جۇمىسىنداعى باستى باعىتتاردىڭ ءبىرى.
«ءبىز پوليسيانىڭ ماتەريالدىق-تەحنيكالىق جاراقتانۋىن جاقسارتۋدامىز. ءقازىردىڭ وزىندە ەلىمىز بويىنشا ەڭ جوعارى جانە ونىڭ دەڭگەيى 87%. تاياۋ ارادا قالا پوليسياسى تاعى 85 جاڭا اۆتوكولىك الاتىن بولادى»، –  دەدى قالا اكىمى باقىتجان ساعىنتايەۆ.

قالانىڭ بارلىق اۋداندارىنداعى قۇقىق قورعاۋ قىزمەتىنىڭ اشىقتىعىن قامتاماسىز ەتۋ ءۇشىن پوليسيانىڭ 13 ءفرونت-وفيسى اشىلادى. مۇندا قالالىقتار «ءبىر تەرەزە» قاعيداسى بويىنشا جايلى جاعدايدا قىزمەتتەر الادى.

«پرەزيدەنت ق-ج. توقايەۆتىڭ تاپسىرماسى بويىنشا ۆيدەومونيتورينگ جۇيەسى ەنگىزىلەدى. تاياۋ ارادا قالا كوشەلەرىنە «سەرگەك» ۆيدەوفيكساسيا جۇيەسىنىڭ 707 پوستىسى ورناتىلادى»، –  دەپ اتاپ ءوتتى باقىتجان ساعىنتايەۆ. جىل اياعىنا دەيىن 400 پوست ورناتىلادى، 2020 جىلى ورناتىلاتىنى –  307.

الماتىلىقتاردىڭ وتىنىشتەرى بويىنشا، قوعامدىق قاۋىپسىزدىكتى نىعايتۋدىڭ جەدەل شارالارى قابىلداندى. قالانىڭ كريمينوگەندى اۋداندارىندا پوليسيانىڭ 32 جاڭا جاڭا ءمودۋلدى، ءموبيلدى پۋنكتتەرى جۇمىس ىستەي باستادى.

جاياۋ پاترۋلدەۋ كۇشەيتىلدى، مۇندا اۋلالاردى قاداعالاۋعا باسىمدىق بەرىلگەن. پاترۋل جۇرگىزۋدىڭ 550 باعىتى جاسالدى.
جۇزەگە اسىرىلعان شارالار قىلمىس سانىن 10،2%-عا قىسقارتتى جانە ولاردى اشۋدى 26-دان 30%-عا دەيىن ارتتىردى.