قالا اكىمى ب.ساعىنتايەۆ وكق وتكەن بريفينگتە قالانى دامىتۋ ءۇشىن ينۆەستيسيا تارتۋدىڭ شارالارى تۋرالى مالىمدەدى. الماتى ەلدەگى بيزنەس جۇرگىزۋ ءۇشىن ەڭ قولايلى ايماق بولىپ تابىلادى.

Doingbusiness قوسالقى ۇلتتىق رەيتينگىنىڭ ناتيجەلەرى بويىنشا ەل ايماقتارى اراسىندا الماتى ءبىرىنشى ورىنعا يە بولدى.

«تاعى ءبىر ەسكەرەتىن ءجايت – وسى جىلدىڭ قىركۇيەك ايىندا Fitch اگەنتتىگى ءبىزدىڭ قالاعا قازاقستاننىڭ ەگەمەن رەيتينگى دەڭگەيىندە «ۆۆۆ» نەسيەلىك رەيتينگىن بەردى. ول ينۆەستيسيا ءۇشىن تاۋەكەلدەردىڭ تومەن دەڭگەيىن بىلدىرەدى جانە قالا ءۇشىن ۇزاق مەرزىمدى قارجىلاندىرۋدى تارتۋعا مۇمكىندىك بەرەدى»، – دەپ اتاپ ءوتتى قالا اكىمى باقىتجان ساعىنتايەۆ.

ءىرى زاكىرلى ينۆەستورلاردى تارتۋ ءۇشىن ونىڭ قۇرىلىمىندا AlmatyInvest قۇرا وتىرىپ، «الماتى» اكك قىزمەتى قايتا قۇرىلدى. بۇگىنگى كۇنى قۇنى 7،5 ملرد. دوللار بولاتىن 58 ينۆەستيسيالىق جوبا جۇمىس ىستەۋدە.

«بىزگە الەمدىك ينۆەستيسيالىق رادار كارتاسىنا كىرۋ قاجەت. جاقىندا الماتىدا وتكەن ينۆەستيسيالىق فورۋم ينۆەستورلاردىڭ ءبىزدىڭ مەگاپوليسكە جانە ونىڭ دامۋ جوسپارلارىنا دەگەن ۇلكەن قىزىعۋشىلىعىن كورسەتتى. ءبىز وسى باعىتتا بەلسەندى جۇمىس ىستەيمىز»، – دەپ اتاپ ءوتتى قالا اكىمى ب. ساعىنتايەۆ.

ەستەرىڭىزگە سالا كەتەيىك، 27 قاراشادا Almaty Investment Forum 2019-عا 700-دەن استام ىسكەر توپ وكىلدەرى تىركەلدى، ونىڭ ىشىندە 142ء-ى شەتەلدىك، 126ء-ى قازاقستانداعى حالىقارالىق كومپانيا وكىلدەرى. فورۋم قورىتىندىسى بويىنشا مەملەكەتتىك ورگاندار مەن بيزنەس-قاۋىمداستىقتار اراسىندا 2،3 ملرد دوللار سوماعا ىنتىماقتاستىق پەن ءوزارا تۇسىنىستىك تۋرالى 30-دان استام مەموراندۋمعا قول قويىلدى.