جاڭا جىل مەرەكەسى قارساڭىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتى مەملەكەتتىك قىزمەتشىلەرگە، سونداي-اق كۆازيمەملەكەتتىك سەكتور قىزمەتكەرلەرىنە سىيلىق الۋعا، ازاماتتارعا اتالعان قىزمەت يەلەرىنە سىيلىق بەرۋگە بولمايتىنىن ەسكەرتتى.
«مەملەكەتتىك قىزمەت تۋرالى زاڭعا سايكەس، بۇل ارەكەتتەر (سىيلىق سىيلاۋ - رەد) مەملەكەتتىك قىزمەتكە نۇقسان كەلتىرەتىنىن اتاپ ءوتۋ قاجەت. سىبايلاس جەمقورلىققا قارسى زاڭنامادا لاۋازىمدى تۇلعاعا قۇنى 2 اەك-تەن تومەن تۇراتىن (5050 تەڭگە) سىيلىق بەرگەنى ءۇشىن 200 اەك (505 مىڭ تەڭگە) اكىمشىلىك ايىپپۇل، ال مەملەكەتتىك قىزمەتشىلەرگە سىيلىق العانى ءۇشىن 600 اەك (1 ميلليون 515 مىڭ تەڭگە) اكىمشىلىك ايىپپۇل قاراستىرىلعان. قۇنى 2 اەك-تەن جوعارى تۇراتىن سىيلىق ءۇشىن قىلمىستىق جاۋاپكەرشىلىككە تارتىلادى» دەلىنگەن حابارلامادا.
مەملەكەتتىك قىزمەتشىنىڭ كەلگەن سىيلىق جونىندە حابارى بولماسا، سونداي-اق ءتيىستى فۋنكسيالاردى ورىنداۋعا بايلانىستى الىنعان سىيلىقتار جەتى كۇن ىشىندە ارنايى مەملەكەتتىك قورعا اقىسىز جەتكىزىلۋى ءتيىس.
سونىمەن قاتار مەملەكەتتىك قىزمەتشىنىڭ وتباسى مۇشەلەرىنىڭ سىيلىقتار مەن قىزمەت تۇرلەرىن الۋعا، اتالعان تۇلعانىڭ قىزمەتىمەن بايلانىستى جەكە جانە زاڭدى تۇلعالار ەسەبىنەن تۋريستىك، ساۋىقتىرۋ جانە باسقا دا ساپارلارعا شاقىرۋ قاعازدارىن قابىلداۋعا قۇقىعى جوق.
ال قاراپايىم قورجىن قابىلداۋ سىبايلاس جەمقورلىققا قارسى زاڭنامانى جانە مەملەكەتتىك قىزمەتشىنىڭ ادەپ قاعيدالارىن ورەسكەل بۇزۋ رەتىندە قاراستىرىلادى.
پىكىر قالدىرۋ