قازاقستان پارلامەنتى سەناتىنىڭ ءتوراعاسى داريعا نازاربايەۆنىڭ كۇزەتشىلەرى وعان ۇلى ايسۇلتان راحات ( كەشە عانا جۋرناليستەرگە سۇحبات بەرىپ، "ماعان ءقاۋىپ ءتونىپ تۇر" دەپ مالىمدەگەن) تۋرالى سۇراق قويماقشى بولعان ازاتتىق راديوسىنىڭ جۋرناليسىنە بوگەت بولدى.
ازاتتىق راديوسىنىڭ جازۋىنشا، بۇگىن، 23 قاڭتاردا سەنات وتىرىسىنان كەيىن ولاردىڭ ءجۋرناليسى اسەمگۇل مۇحات قىزى داريعا نازاربايەۆادان "ۇلىنا تونگەن ءقاۋىپ" تۋرالى سۇراماق بولعان. الايدا سەنات سپيكەرىن ادەتتەگىدەي ەكى كۇزەتشى ەمەس، كەمى التى كۇزەتشى قورشاپ، ءجۋرناليستى وعان جولاتپاعان. ءبىر كۇزەتشى ازاتتىق ءتىلشىسىنىڭ اۋزىن جاۋىپ، سۇراق قويۋىنا كەدەرگى كەلتىرگەن.
كەشە قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ جيەن نەمەرەسى ايسۇلتان راحات قازاقستاندىق جۋرناليستەرگە بەرگەن سۇحباتىندا ءوزىنىڭ تۋعان اكەسى راحات الييەۆ ەمەس، نۇرسۇلتان نازاربايەۆ ەكەنىن، ال شەشەسى داريعا نازاربايەۆدان وزىنە ءقاۋىپ ءتونىپ تۇرعانىن ايتقان. نازاربايەۆتار وتباسى ايسۇلتاننىڭ ايتقاندارىنا قاتىستى ەشقانداي رەسمي اقپارات بەرگەن جوق.
پىكىر قالدىرۋ