ۆيسە-پرەمەر بەردىبەك ساپاربايەۆ مادەنيەت جانە سپورت مينيسترلىگى باسشىلىعىمەن وتكەن كەزدەسۋدە تۋريزم يندۋسترياسىن دامىتۋ ءۇشىن ءالى دە ىسكە اسىرىلماعان ماڭىزدى باعىتتاردى اتاپ ءوتتى،  دەپ حابارلادى پرەمەر-مينيستردىڭ رەسمي سايتى.

– قازاقستان ىشكى ءتۋريزمدى دامىتۋ ءۇشىن دە، شەتەل قوناقتارىن قابىلداۋ ءۇشىن دە ۇلكەن مۇمكىندىككە يە. ءبىزدىڭ كەڭ اۋماعىمىز، تاريحي جانە مادەني مۇرامىز، تەڭدەسىز تابيعاتىمىز بار. الايدا ءبىز قولدا بار مۇمكىندىكتى تولىق پايدالانا الماي وتىرمىز. نەگىزگى ماسەلە – تۋريزم سالاسىنا ستراتەگيالىق ينۆەستورلاردى تارتۋ. "Kazakh Tourism" كومپانياسىن ارنايى قۇردىق. بەرىلگەن ۋادە كوپ، جەتكەن ناتيجە جوق، – دەدى ول.

ول مينيسترلىك ءتۋريزمدى دامىتۋعا لايىقتى وڭىرلەرمەن تىعىز جۇمىس جاساۋى كەرەكتىگىن ايتتى.

– ەلىمىزدىڭ تۇرعىنى كوپ ايماقتاردا مەملەكەت تاراپىنان ءىس-شارالار وتكىزىلىپ تۇرۋى قاجەت. جىل سايىن بۇكىل ەلدە جاڭا سپورت كەشەندەرى جانە مادەني نىساندار سالىنادى. الايدا بۇل مەكەمەلەر كەشكى ۋاقىتتاردا جانە دەمالىس كۇندەرى بوس تۇرادى. ارينە، بۇل – وتە ءتيىمسىز. بوس ۋاقىتىندا بالالار ءتۇرلى ۇيىرمەلەرگە، سەكسيالارعا، كىتاپحانالارعا، تەاترلارعا جانە باسقا وبەكتىلەرگە اقىسىز نەمەسە ءتيىمدى شارتتاردا قاتىسا الۋى كەرەك، – دەدى بەردىبەك ساپاربايەۆ.