پرەزيدەنت قاسىم-جومارت توقايەۆتىڭ قازاقستان ازاماتتارىن كوروناۆيرۋس جۇقتىرۋدان قورعاۋ جونىندەگى شارا قابىلداۋى تۋرالى بۇيرىعىنا سايكەس، قازاقستان رەسپۋبليكاسىنىڭ ۇكىمەتى قىتايدا جۇرگەن قازاقستاندىقتاردى ەۆاكۋاسيالاپ جاتىر، دەپ حابارلايدى Qamshy.kz اقپارات اگەنتتىگى zakon.kz-كە سىلتەمە جاساپ.
"10 جانە 12 اقپاندا جۇڭگو ۇكىمەتىنىڭ كەلىسىمى بويىنشا ەير استانا اۆياكومپانياسى پەكينگە قازاقستان ازاماتتارىن ەۆاكۋاسيالاۋعا ەكى ۇشاق جىبەرەدى. جولاۋشىلار ۇشۋ كەزىندە مەديسينالىق قىزمەتكەرلەرمەن بىرگە كەلەدى" دەلىنگەن ق ر ءسىم حابارلاماسىندا.
جۇڭگو ءوتىنىشى بويىنشا وسى رەيس ارقىلى قازاقستانداعى قىتايدىڭ 47 ازاماتىن، سونىمەن قاتار جۇڭگو ەلشىلىگىنىڭ كوممەرسيالىق ەمەس جۇكتەرىن جەتكىزۋ جوسپارلانۋدا.
قازىرگى ۋاقىتتا جۇڭگو اۋماعىندا قازاقستاننىڭ 719 ازاماتى بار، ولاردىڭ 391ء-ى وتانعا ورالۋعا كومەك كورسەتۋدى سۇراعان. قالعاندارى ديپلوماتيالىق مەكەمە قىزمەتكەرلەرى مەن ولاردىڭ وتباسى مۇشەلەرى، ستۋدەنتتەر جانە باسقا جەكە تۇلعالار قىتايدا قالۋعا نيەت ءبىلدىردى.
قىتايداعى قازاقستاننىڭ ديپلوماتيالىق مەكەمەلەرى قاجەت بولعان جاعدايدا ءتيىستى كومەك كورسەتۋ ءۇشىن قازاقستان ازاماتتارىمەن جۇمىس ىستەۋدى جانە بايلانىستا بولۋدى جالعاستىرۋدا. بۇل شارالاردىڭ بارلىعى قىتايداعى قازاق ازاماتتارىمەن بايلانىستى بارلىق ماسەلەلەردى شەشۋگە سىندارلى كوزقاراسپەن قارايدى.
پىكىر قالدىرۋ