قازاقستانعا تانىمال سازگەر، رەسپۋبليكالىق، حالىقارالىق بايقاۋلاردىڭ لاۋرەاتى تۇردىقىلىش ىزتايەۆ 71 جاسىندا باقيلىق بولدى. بۇل تۋرالى تۇركىستان وبلىسى مادەنيەت باسقارماسى حابارلادى.
"بۇگىنگى كۇن قازاق حالقى ءۇشىن قارالى كۇن. ماڭدايعا بىتكەن تاعى ءبىر شوق جۇلدىزىنان ايىرىلىپ قالدى" دەلىنگەن مادەنيەت باسقارماسىنىڭ حابارلاماسىندا.
تۇردىقىلىش ىزتايەۆ 1949 جىلى 30 ماۋسىمدا تۇركمەنستان رەسپۋبليكاسىنىڭ تاحتابازار اۋدانىندا دۇنيەگە كەلگەن.
ءوزىنىڭ ەڭبەك جولىن شىمكەنتتەگى ءال-فارابي اتىنداعى ينستيتۋتتا قىزمەت ەتۋمەن باستاعان. بۇل جەردە 1968-1994 جىلدار ارالىعىندا ەڭبەگىن وتەگەن.
سازگەر 20-دان استام ادىستەمەلىك جۇمىستىڭ اۆتورى. اندەرى "ءماحاببات-ومىر" دەگەن جەكە البوم بولىپ باسىلىپ شىققان. ونىڭ ەڭ اتاقتى شىعارمالارىنىڭ ءبىرى "نۋريكامال" ءانى. بۇل ءاننىڭ ءسوزىن ءوزىنىڭ جارى ءحانبيبى ەسەنقارا قىزى جازعان. وسىلايشا قوس عاشىقتىڭ ماحابباتىنىڭ ناتيجەسىندە تىڭدارمانعا جول تارتقان اۋەزدى ءان بارشا قازاق حالقىن تاڭداي قاقتىردى.
پىكىر قالدىرۋ