دەنساۋلىق ساقتاۋ مينيسترلىگى قازاقستانداعى كوروناۆيرۋس بويىنشا 16 ناۋرىزداعى جاعدايدى جاريالادى.

بۇگىندە ەلدە 9 ادام كوروناۆيرۋس جۇقتىرعان. ونىڭ 7-ەۋى الماتىدا، 2-ەكۋى نۇر-سۇلتان قالاسىندا تىركەلگەن. ستاسيونارلىق كارانتيندە 1641 ادام جاتسا، 981 ادام ءۇي كارانتينىنە الىنعان. كەشەگى جاعدايمەن سالىستىرعاندا ستاسيونارلىق كارانتيندە جاتقاندار 3 ادامعا ازايسا، ءۇي كارانتينىنە الىنعاندار 337 ادامعا ارتقان.

جۇڭگو مەن وزگە ەلدەن كەلگەن ازاماتتاردى باقىلاۋ جالعاسۋدا. بۇگىنگە دەيىن 2626 ادام باقىلاۋعا الىنعان ولاردىڭ 1689-ىنا 1 "ا" كاتەگورياسى بويىنشا، 586 ادامعا 1 "ب" كاتەگورياسى بويىنشا مونيتورينگ جۇرگىزىلۋدە. 503 ادامعا مونيتورينگ توقتاتىلدى.

16 ناۋرىزداعى جاعدايعا ساي 2123 ادام باقىلاۋدا تۇر.

الەم بويىنشا 158 ەلدە 163 374 ادام كوروناۆيرۋس جۇقتىرعان.

1 "ا" كاتەگورياسىنا كىرەتىن قىتايدا 80 884 جاعداي تىركەلگەن. سوڭعى تاۋلىكتە 20 ادام ۆيرۋس جۇقتىرعان. يتاليادا 24 747 ناۋقاستان ۆيرۋس انىقتالدى. ءبىر تاۋلىكتە 3590 جاعداي تىركەلگەن. يراندا 13 938 جاعداي، تاۋلىك ىشىندە 1209 وقيعا تىركەلگەن. وڭتۇستىك كورەيادا 8162 ، تاۋلىك ىشىندە 76 دەرەك تىركەلگەن.

1 "ب" كاتەگورياسى بويىنشا:

- يسپانيدا – 7845 جاعداي، (تاۋلىك ىشىندە – 1454 جاع.)، گەرمانيادا – 5813 جاعداي (تاۋلىك ىشىندە – 1214 جاع)، فرانسيادا – 5423 جاعداي (تاۋلىك ىشىندە – 954 جاع.).