ارداگەر يۆان ابدۋلوۆ سوعىسقا قارشاداي بالا كەزىنەن قاتىناسقان.

بالالار ۇيىندە تاربيەلەنگەن ول 11 جاسىندا ول جاقتان قاشىپ، مايدانعا سۇرانىپ بارعان.

ءجاسوسپىرىم پانفيلوۆ ديۆيزياسىنا تاپ بولىپ، ايگىلى باۋىرجان مومىشۇلىمەن بىرگە ەكى فرونتتا جاۋمەن سوعىسقان. ماسكەۋدى قورعاۋدا، كۋرسك دوعاسى شايقاسىندا باۋىرجان مومىشۇلىمەن بىرگە ۇرىس دالاسىندا جاۋعا قارسى شاپقان.

ارتىنشا 274-پولككە اۋىستىرىلىپ، ول جەردە سوعىستىڭ سوڭىنا دەيىن جۇرگەن.

مايداندا ەكى رەت جارالانىپ، ءبىر رەت كونتۋزيا العان.

سوعىستان كەيىن اسكەري ۋچيليششە مەن ۇلتتىق قاۋىپسىزدىك كوميتەتى جوعارى مەكتەبىندە وقىعان. قىزمەت بابى بويىنشا الەمدى شارلاپ، ءتۇرلى شيەلەنىس نۇكتەلەرىندە بولعان. كۋباعا جولى ءتۇسىپ، فيدەل كاسترومەن جولىققان.

جاستايىنان قان مايداندى كورىپ، قىزمەت بابى بويىنشا جەر جاھاندى ارالاعان ارداگەردىڭ تۇيگەنى كوپ.

– قازاقستاندىقتارعا دەنساۋلىق پەن ۇزاق عۇمىر تىلەيمىن. ەڭ باستىسى وسى. قالعانى رەتىمەن بولادى، – دەيدى يۆان ابدۋلوۆ.