الماتى اكىمدىگى اباي اتىنداعى وپەرا جانە بالەت تەاترىمەن بىرلەسىپ، سوعىس جىلدارىنداعى اندەردى بالكوننان ورىنداۋ فلەشموبىن ىسكە قوستى.

الماتى اكىمدىگى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىمەن بىرلەسىپ، ۇلى جەڭىستىڭ 75 جىلدىعىنا وراي ءبىرقاتار مادەني ءىس-شارالار وتكىزەدى. بۇل رەتتە بارلىق ءىس-شارا ەلدەگى توتەنشە جاعداي رەجيمىن ەسكەرە وتىرىپ، ادامداردىڭ جاپپاي جينالۋىنسىز وتەدى.

9 مامىر قارساڭىندا اسكەري اندەردى تۇرعىن ۇيلەردىڭ بالكوندارىندا تۇرىپ ورىنداۋ فلەشموبى ىسكە قوسىلدى. بارلىق كونسەرتتىك نومىرلەر بەينەكادرعا ءتۇسىرىلىپ، ودان ءارى الەۋمەتتىك جەلىلەرگە ورنالاستىرۋ ءۇشىن فيلم-كونسەرتكە بىرىكتىرىلەدى.

كونسەرتكە تەاتردىڭ جەتەكشى سوليستەرى قاتىسادى:

– حالىقارالىق كونكۋرستاردىڭ لاۋرەاتى، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ۆوكالدان ءدارىس بەرەتىن وقىتۋشىسى ايدوس جاباعين «جەڭىس كۇنى» ءانىن ورىندادى؛
– اباي تەاترىنىڭ ءسوليسى دۋلات توقانوۆ ساحنالاس ارىپتەستەرىمەن بىرگە «ۆ بوي يدۋت ودني ستاريكي» فيلمىنەن «سمۋگليانكا» ءانىن شىرقادى»؛
– سوليست ءلاززات ءبىرىمعازينا بىرنەشە ۇرپاققا جالعاسىپ كەلە جاتقان «كاتيۋشا» ءانىن قازاق جانە ورىس تىلدەرىندە ورىندادى.