ماڭعىستاۋ وبلىسىنىڭ اكىمى سەرىكباي ترۇموۆ مۇنايلى اۋدانىنا جۇمىس ساپارىمەن باردى. ساپار بارىسىندا  باتىر جانە باياندى  اۋىلدىق وكرۋگىندەگى ءبىرقاتار نىسانداردى ارالادى.

وبلىس اكىمى الدىمەن باتىر اۋىلىندا  ورنالاسقان «كاسپيي اگرو كومپاني» ج ش س جۇمىسىمەن تانىستى. «كاسپيي اگرو كومپاني» ج ش س قازاقستاننىڭ باتىس ايماعىندا  جىلىجاي شارۋاشىلىقتارىن دامىتۋ بويىنشا مەملەكەتتىك-جەكەشەلىك ارىپتەستىك كومپانياسى جوبانى جۇزەگە اسىرۋ ماقساتىندا 10 ناۋرىز 2009 جىلى قۇرىلعان.

بۇل شارۋاشىلىق كەشەنىنىڭ اۋماعى 470 گەكتار. ونىڭ 19،7 گا اۋماعىندا 4 جىلىجاي ورنالاسقان (ءار جىلىجاي 1 گا). مۇندا جەرگىلىكتى تۇرعىنداردىڭ جىلىجاي، باۋ-باقشا، كوكونىس شارۋاشىلىعى مەن شاعىن قۇس فابريكالارى  ورنالاسقان. شارۋاشىلىقتاردىڭ ءبىر بولىگى ءتۇرلى سەبەپتەرگە بايلانىستى توقتاپ تۇر. سەرىكباي ترۇموۆ تۇرالاپ قالعان شارۋاشىلىقتاردىڭ سەبەبىن انىقتاپ، ءبىرىنشى كەزەكتە شارۋاشىلىقتاردى سۋمەن قامتاماسىز ەتۋ ماسەلەسىن شەشىپ فەرمەرلەرگە كومەكتەسۋ كەرەكتىگىن  تاپسىردى. جوبانىڭ ماقساتى-تاماق يندۋسترياسىن دامىتۋ. ايماق باسشىسى اۋىل شارۋاشىلىعى –وتە ماڭىزدى دامىتاتىن سالا ەكەنىن ايتىپ، شارۋالاردى كوپتەپ تارتۋدى اتاپ ءوتتى.

بۇدان كەيىن ايماق باسشىسى باتىر اۋىلىندا سالىنىپ جاتقان جول قۇرىلىسى جانە دارىگەرلىك امبۋلاتوريانىڭ جۇمىسىمەن تانىستى. اۋىل ىشىلىك جول سالۋعا تارتىلعان جۇمىس كۇشىنىڭ 90 پايىزى جەرگىلىكتى تۇرعىندار.  س.ترۇموۆ قۇرىلىسقا جاۋاپتى تۇلعالارعا ساپاسى مەن مەرزىمىنىڭ ۋاقىتىلى اياقتالۋىنا اسا ءمان بەرۋدى تاپسىردى.

سونداي-اق، ايماق باسشىسى باياندى اۋىلىندا جوندەۋ جۇمىستارى ءجۇرىپ جاتقان №3 ورتا مەكتەپكە باردى. جۇمىسى قارقىندى ءجۇرىپ جاتقان ءبىلىم ورداسى بيىل وقۋ جىلىنىڭ باسىندا تاپسىرىلماق. وبلىس اكىمى «جۇمىسپەن قامتۋ جول كارتاسى» مەملەكەتتىك باعدارلاماسىمەن جۇمىسقا تۇرعىنداردى كوپتەپ تارتۋدى تاپسىردى. سونداي-اق، ءوڭىر باسشىسى  باياندى اۋىلىنداعى سۋ تۇششىتۋ زاۋىتىنا بولدى. بۇگىندە  سۋ تۇششىتۋ زاۋىتى كۇنىنە 12-15 مىڭ تەكشە مەتر سۋ بەرىپ وتىر. اۋدانعا قاجەت سۋ مولشەرى 19-21 مىڭ تەكشە مەتر. جاز ايلارىندا اۋداندا سۋ بەرۋ مولشەرىنىڭ جەتكىلىكسىزدىگى بايقالادى.

باياندى اۋىلىنداعى قولدانىستاعى مەمبرانالىق سۋ تۇششىتۋ قوندىرعىسى 2010 جىلى پايدالانۋعا بەرىلگەن. توزىعى جەتكەن سۋ تۇششىتۋ قوندىرعىسىن جاڭادان جاڭعىرتۋ ارقىلى ىسكە قوسۋعا 50 ملن.تەڭگە قاجەت. قوندىرعى ىسكە قوسىلعان جاعدايدا كۇنىنە 100 كۋب3 اۋىز سۋ ءوندىرىپ، باياندى اۋىلىن تولىق اۋىز سۋمەن قامتاماسىز ەتۋگە مۇمكىندىك بولادى. ايماق باسشىسى ماسەلەمەن تولىق تانىسىپ شەشۋ جولدارىن قاراستىراتىنىن جەتكىزدى.  

بۇدان كەيىن ءوڭىر باسشىسى ماڭعىستاۋ اۋىلى وندىرىستىك ايماقتا سالىنىپ جاتقان «جامالبەك» ج ش س قۇراما جەم فابريكاسىنا باردى. جوبا قۇنى 438،7 ملن تەڭگە.  فابريكا ىسكە قوسىلعاندا كۇنىنە 5000 كگ/تاۋلىك ءونىم بەرەتىن بولادى. جەم-شوپ فابريكاسى جوسپار بويىنشا اياعىمداعى جىلدىڭ  قىركۇيەك-قازان ايلارىندا تاپسىرىلادى.