مەملەكەت باسشىسى قاسىم-جومارت توقايەۆ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا شاعىن، ورتا، ءىرى كومپانيالار جاڭا ەرەجەلەرگە سايكەس جۇمىس ىستەۋى كەرەكتىگىن ايتتى.
"الەۋمەتتىك اراقاشىقتىقتى ساقتاۋ، كوپشىلىك جينالعان جەردە بەتپەردە تاعىپ ءجۇرۋ قالىپتى جاعدايعا اينالۋعا ءتيىس. وبلىستار اراسىنداعى كولىك قاتىناسىنا قاتىستى شەكتەۋلەر قالا بەرەدى. قوعامدىق كولىكتەر جارتىلاي جۇكتەمەمەن جۇمىس ىستەيدى. جولاۋشىلاردان بەتپەردە تاعۋ تالاپ ەتىلەدى. كوشەدە توپتاسىپ جۇرەتىندەر 3 ادامنان اسپاۋى كەرەك. مەملەكەتتىك قىزمەتشىلەردىڭ 50 پايىزى قاشىقتان جۇمىس ىستەي بەرەدى. جەكە كاسىپورىن باسشىلارى قانشا قىزمەتكەردى جۇمىسقا شىعاراتىنىن وزدەرى انىقتاۋعا ءتيىس، – دەدى پرەزيدەنت.
توقايەۆ ىندەتتىڭ ەكىنشى كەزەڭى باستالىپ كەتۋى مۇمكىن ەكەنىن ايتتى.
– جۇرتتىڭ كوبى ءالى دە ۇيدە وتىرا تۇرعانى دۇرىس بولار ەدى. بۇل – ەڭ الدىمەن، ادامداردىڭ قاۋىپسىزدىگىنە بايلانىستى ماسەلە. جۇمىس ورنىندا الەۋمەتتىك اراقاشىقتىق جانە قاتاڭ سانيتارلىق رەجيم ساقتالۋى قاجەت. ىندەتتىڭ ەكىنشى كەزەڭى باستالىپ كەتۋى مۇمكىن. سوندىقتان، ءوزىمىزدىڭ امان-ساۋلىعىمىزعا، ەڭ الدىمەن، ءوزىمىز جاۋاپتى بولۋىمىز كەرەك. ىندەت قايتا ورشىگەن جاعدايدا ۇكىمەت ناقتى شۇعىل ءىس-قيمىل جوسپارىن دايىندايدى، – توقايەۆ.
پىكىر قالدىرۋ