امەريكاداعى ناسىلشىلدىككە قارسى نارازىلىق بىلدىرۋشىلەر ۆيردجينيا شتاتىنداعى حريستوفور كولۋمبتىڭ ءمۇسىنىن قۇلاتىپ، كەيىنىرەك ونى ورتەپ، كولگە تاستاعان. بۇل تۋرالى قامشى ءتىلشىسى The Guardian باسىلىمىنا سىلتەمە جاساپ حابارلايدى.
سەيسەنبى تۇندە نارازىلىق بىلدىرۋشىلەر ءمۇسىندى الىپ تاستاۋ ءۇشىن بىرنەشە ارقاندى قولدانعان. باسىلىمنىڭ مالىمەتىنشە، مۇسىنگە بۇرىككىشپەن «كولۋمب گەنوسيدتى بەينەلەيدى» دەگەن جازۋ جازىلعان. شەرۋشىلەر بوستون قالاسىنىڭ اتلانت كوشەسىندەگى كولۋمبتىڭ تاعى ءبىر ءمۇسىنىنىڭ باسىن الىپ تاستاعان.
كولۋمب امەريكا قۇرلىعىن تاپقانى ءۇشىن اقش-تا وعان بىرنەشە جەردە ءمۇسىن ورناتىلعان. الايدا سوڭعى كەزدەردە XV عاسىردا كاريب ارالدارى مەن امەريكا ماتەريگىندە بولعان ءولتىرۋ، ۇرلاۋ جانە توناۋ دەرەكتەرىندەگى حريستوفور كولۋمبتىڭ ءرولى تۋرالى پىكىرتالاستار ءجيى قوزعالۋدا.
پىكىر قالدىرۋ