دونالد ترامپ اقش تاۋەلسىزدىك كۇنىندە سويلەگەن سوزىندە تاريحي مۇسىندەرگە زالال كەلتىرگەن اشۋلى توپتار كەم دەگەندە 10 جىلعا سوتتالاتىنىن مالىمدەدى. بۇل تۋرالى قامشى ءتىلشىسى Twitter-گە سىلتەمە جاساپ حابارلايدى.
ءوزىن سولشىل ەكسترەميزمگە قارسى قورعاۋشى رەتىندە كورسەتە وتىرىپ، كوروناۆيرۋستىق پاندەميا تۋرالى مالىمدەمەلەر جاساعان اقش پرەزيدەنتى تاۋەلسىزدىك كۇنىندە تاريحي مۇسىندەردى قيراتقاندار "اقش تاريحىن وشىرۋگە تىرىسادى" دەپ ايىپتادى.
دونالد ترامپ ناسىلدىك تارتىپسىزدىكتى "تاريحىمىزدى ءوشىرۋ، باتىرلارىمىزدى قورلاۋ، قۇندىلىقتارىمىزدى جوعالتۋ جانە بالالارىمىزدى تاربيەلەۋ جونىندەگى قاتىگەز ناۋقان" دەپ اتادى.
– فەدەرالدى اگەنتتەر ۆاشينگتونداعى ۇلى ەندريۋ دجەكسوننىڭ مۇسىنىنە زالال كەلتىرۋگە جەتەكشىلىك ەتكەن كۇدىكتىنى قاماۋعا الدى. ودان وزگە جۇزدەگەن ادام قاماۋعا الىندى. وتكەن اپتادا امەريكالىق ەسكەرتكىشتەر مەن مۇسىندەردى قورعاۋ تۋرالى بۇيرىققا قول قويدىم. ءبىزدىڭ ەسكەرتكىشتەرىمىز بەن مۇسىندەرىمىزدى بۇلدىرگەندەر كەمى ون جىلعا تۇرمەگە وتىرعىزىلادى، – دەدى ترامپ.
پىكىر قالدىرۋ