الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا تجد باسشىسىنىڭ ورىنباسارى ارمان بايگەلوۆ قالا تۇرعىندارىن ورتكە قارسى قاۋىپسىزدىك شارالارىن ساقتاۋعا شاقىردى.

بۇگىنگى تاڭدا ورىن الۋى مۇمكىن ورتتەردىڭ الدىن الۋ ماقساتىندا تجد قىزمەتكەرلەرىمەن كەشەندى الدىن الۋ شارالارى جۇرگىزىلەدى. اتاپ ايتقاندا، قالا اۋداندارىنىڭ اكىمدىكتەرىمەن بىرلەسىپ، اشىق اۋماقتارعا جاپسارلاس ءاۆتوموبيلدى جانە تەمىرجول بويىندا مينەرالدانعان جولاق (جول) قۇرۋ بويىنشا شارالار جۇرگىزىلۋدە.

الاتاۋ، بوستاندىق، مەدەۋ، جەتىسۋ، ناۋرىزباي جانە تۇركسىب اۋداندارىنىڭ اكىمدىكتەرىمەن 65 شاقىرىم جول مەن دالامەن جاپسارلاسقان ورىنداردا جەكەمەنشىك سەكتور جالپى اۋماعى 90،5 گا بولاتىن قۇرعاق ءشوپ شابىلدى.

«الدىن الۋ شارالارىن تامىز ايىندا، ياعني، كۇننەن تۇتانۋى مۇمكىن ءشوپ جوعارى ءقاۋىپ توندىرمەگەن كەزدە اياقتاۋ جوسپارلانۋدا»، — دەدى ارمان بايگەلوۆ.

ول جاقىن ورنالاسقان اۋماقتى رەتكە كەلتىرۋ ءۇشىن كەيبىر ادامداردىڭ كەپكەن ءشوپ پەن قوقىستى ادەيى جاعاتىنىن جانە ونىڭ وتە ءقاۋىپتى ەكەنىن اتاپ ءوتتى.

ارمان بايگەلوۆ اتاپ وتكەندەي، قۇرعاق ءشوپ پەن قوقىس ورتەنگەن كەزدە وتتىڭ جاقىن ورنالاسقان تۇرعىن ۇيلەرگە، جانار-جاعارماي قۇيۋ ستانسيالارىنا، مۇناي بازالارىنا، قۇرىلىسقا، عيماراتتارعا تارالۋ مۇمكىندىگى ارتىپ، ءومىر ءۇشىن ءقاۋىپ ءتوندىرىپ، ماتەريالدىق شىعىن كەلتىرۋى مۇمكىن.

قابىلدانعان شارالارعا قاراماستان، ورتكە قارسى قاۋىپسىزدىك شارالارىن ساقتاماۋ سەبەبىنەن قالا اۋماعىندا اشىق اۋماقتاردا 285 قۇرعاق شوپتەر مەن قوقىستاردىڭ جانۋ وقيعاسى ورىن الدى، ونىڭ جالپى اۋماعى 350 مىڭ شارشى مەتردى نەمەسە 35 گا قۇرادى.

اعىمداعى جىلدىڭ 16 ناۋرىزىندا ءبىر كۇننىڭ ىشىندە قالا اۋماعىندا بىردەن 21 ءورت بولدى. ولاردىڭ ىشىندەگى ەڭ ءىرى ءورت مەدەۋ اۋدانىنىڭ دۋمان ىقشام اۋدانىندا جانە تۇركسىب اۋدانىنداعى قايرات ىقشام اۋدانىندا ورىن الدى. اتالعان اۋدانداردىڭ ءارقايسىسىنىڭ جانۋ الاڭى 30 000 شارشى مەتردى (3 گا) قۇرادى.

20 شىلدەدە كۇندىزگى ۋاقىتتا الاتاۋ اۋدانىنىڭ «توميريس» شاعىن اۋدانىندا جانعان قۇرعاق ءشوپ 5000 شارشى مەتر الاڭدى قامتىپ، تۇرعىن ۇيلەرگە تارالۋ ءقاۋپى تۋىندادى. ءورتتى سوندىرۋگە 25 ءورت ءسوندىرۋشى جانە 5 بىرلىك تەحنيكا جۇمىلدىرىلدى. ءدال وسى كۇنى مەدەۋ اۋدانىنىڭ قۇلجا تراكتىندەگى جانعان قۇرعاق ءشوپتىڭ جالپى اۋماعى 1200 شارشى مەتردى قۇرادى، 21 شىلدە كۇنى ءورت سوندىرۋشىلەر الاتاۋ جانە ناۋرىزباي اۋداندارىندا جالپى اۋماعى 600 شارشى مەتردەن اساتىن ءۇش ءورتتىڭ الدىن الدى.

ورتكە ءقاۋىپتى كەزەڭ باستالعالى قۇرعاق ءشوپ ورتەنۋدىڭ 295 وقيعاسى ورىن الدى. جالپى العاندا ورتەنۋ اۋماعى 350 مىڭ. شارشى مەتردى نەمەسە 35 گا قۇرادى.

وسىعان بايلانىستى، تج دەپارتامەنتى وڭتۇستىك استانانىڭ تۇرعىندارى مەن قالا قوناقتارىن قۇرعاق جانە ىستىق اۋا رايىن ەسكەرە وتىرىپ:
- قۋراعان شوپتەرگە تەمەكى قالدىقتارىن تاستاماۋعا؛
- قۇرعاق وسىمدىكتەردىڭ جانىندا وت جاقپاۋعا؛
- وت تۇتانىپ كەتۋ ءقاۋپى بار سىنعان شىنىلار مەن بوس قۇتىلاردى قالدىرماۋعا شاقىرادى.

اۋىر زارداپتار ورىن العان جاعدايدا كىنالى ادامدار اكىمشىلىك جانە قىلمىستىق جاۋاپكەرشىلىككە تارتىلاتىن بولادى.