پرەزيدەنت قاسىم-جومارت توقايەۆ قازاقستاننىڭ مەكسيكاداعى ەلشىسى اندريان ەلەمەسوۆتى قىزمەتىنەن بوساتتى. بۇل تۋرالى Akorda سايتى حابارلادى.
"مەملەكەت باسشىسىنىڭ جارلىعىمەن اندريان كوپماعامبەت ۇلى ەلەمەسوۆ قازاقستان رەسپۋبليكاسىنىڭ مەكسيكا قۇراما شتاتتارىنداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ دومينيكان رەسپۋبليكاسىنداعى، يامايكاداعى، پاناما رەسپۋبليكاسىنداعى، كوستا-ريكا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى" دەلىنگەن حابارلامادا.
ادريان ەلەمەسوۆ كوپماعامبەت ۇلى 1963 جىلى 10 شىلدەدە دۇنيەگە كەلدى. ەڭبەك جولىن 1985 جىلى جۇمىسكەر، بريگادير، شەبەر، پروراب، "شىمكەنتقۇرىلىس" ترەستىنىڭ كومسومولدىق ۇيىمىنىڭ حاتشىسى قىزمەتىنەن باستادى.
2012 جىلدىڭ 8 ماۋسىمىنان قازاقستاننىڭ پرەزيدەنتى وكىمىمەن قازاقستاننىڭ يتاليا رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى.
2015 جىلى قازاقستاننىڭ مەكسيكا قۇراما شتاتتارىنداعى توتەنشە جانە وكىلەتتى ەلشىسى قىزمەتىنە تاعايىندالدى.
پىكىر قالدىرۋ