دونالد ترامپ شاشىن جۋۋعا قاتىستى شاعىمدانعاننان كەيىن اقش بيلىگى ۇيلەردەگى سۋ قىسىمىن ارتتىرۋ ەرەجەلەرىن ەنگىزۋى مۇمكىن. وزگەرىستەردى اقش ەنەرگەتيكا مينيسترلىگى سارسەنبىدە ۇسىنعان.

1992 جىلى قابىلدانعان زاڭعا سايكەس، اقش-تاعى دۋشتار مينۋتىنا 2،5 گاللوننان (9،5 ل) ارتىق سۋ شىعارا المايدى.

وتكەن ايدا ترامپ اق ۇيدە شاشىن جۋۋعا قاتىستى شاعىمدارىن جەتكىزگەن.

– سونىمەن دۋش كابينالارىنان سۋ شىقپايدى. ءسىز قولىڭىزدى جۋعىڭىز كەلەدى، سۋ شىقپايدى. سونىمەن نە ىستەيسىز؟ ءسىز ول جەردە ۇزاق تۇراسىز با؟ سىزدەردى بىلمەيمىن، مەنىڭ شاشىم ول ءمىنسىز بولۋى كەرەك. ءمىنسىز، – دەگەن ترامپ.

ال، تۇتىنۋشىلار مەن تابيعاتتى قورعاۋ توپتارى بۇنى ىسىراپشىلدىق جانە قاجەت ەمەس دەپ سانايدى.

ەنەرگيانى ۇنەمدەۋ توبىنىڭ "قۇرىلعى ستاندارتتارىن حاباردار ەتۋ" جوباسىنىڭ اتقارۋشى ديرەكتورى ەندريۋ دە لاسكي بۇل ۇسىنىس "اقىلعا قونىمسىز" دەيدى.

"ەگەر پرەزيدەنتتىڭ جاقسى دۋش تابا الماعانىنا كومەك قاجەت بولسا، ءبىز ونى تۇتىنۋشىلارعا ارنالعان كەرەمەت ۆەب-سايتتارعا باعىتتاي الامىز، ولار سىزگە تىعىز سۋلانۋ مەن جاقسى سۋ شىعاراتىن دۋش انىقتاۋعا كومەكتەسەدى"دەدى ول اسسوشيەيتەد پرەسس اگەنتتىگىنە.

Consumer Reports ۇيىمىنىڭ اقپاراتتىق-ناسيحاتتاۋ جونىندەگى ۆيسە-پرەزيدەنتى ديەۆيد فريدماننىڭ ايتۋىنشا، اقش-تاعى دۋشتار ادامداردىڭ اقشاسىن ۇنەمدەي وتىرىپ، كليەنتتەردى قاجەتتىلىگىن جوعارى دەڭگەيدە ورىندايدى.