ەلباسى، قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆ جوعارعى سوتتىڭ ءتوراعاسى جاقىپ اسانوۆتى قابىلدادى، دەپ حابارلادى elbasy.kz سايتى.
ول كەزدەسۋدە ەلىمىزدىڭ سوت جۇيەسىن جاڭعىرتۋ بارىسى تۋرالى ايتتى.
سونداي-اق، ول سوت قىزمەتىنىڭ ساپاسىن جاقسارتۋعا جانە سۋديالاردىڭ جۇمىسىنا حالىقتىڭ سەنىمىن ارتتىرۋعا باعىتتالعان ءىس-شارالار تۋرالى دا اتاپ ءوتتى.
اتاپ ايتقاندا، جوعارعى سوتتىڭ توراعاسىقازىرگى كەزدە "100 ناقتى قادام" ۇلت جوسپارى اياسىندا سوت جۇيەسىن رەفورمالاۋ بويىنشا جۇزەگە اسىرىلىپ جاتقان جۇمىستارعا توقتالدى.
قازاقستاننىڭ تۇڭعىش پرەزيدەنتى ازاماتتاردىڭ قۇقىقتىق ساۋاتتىلىعى مەن قۇقىقتىق ساناسىن ارتتىرۋعا باعىتتالعان جۇمىستاردىڭ ماڭىزدىلىعىن اتاپ ءوتتى.
پىكىر قالدىرۋ