بۇگىندە «الاشتى» “اق جولدان” ارتىق ناسيحاتتاعان پارتيا بار ما!؟!. ال ءيسى قازاققا “الاشتان” اسقان يدەيا تابىلا ما!؟!

 

مەن بۇگىننەن باستاپ «اق جول» دەموكراتيالىق پارتياسىنىڭ مۇشەسىمىن.

بۇگىن، 2020 جىلى 14 قىركۇيەكتە «اق جول» دپ-نىڭ پارلامەنتتىك فراكسياسىنىڭ كەزەكتى وتىرىسىندا ءماجىلىس دەپۋتاتتارى، پارتيانىڭ وبلىستىق فيليالدارىنىڭ وكىلدەرى مەنىڭ قابىلدانۋىمدى ءبىراۋىزدان ماقۇلدادى.

 

شىنى كەرەك، بۇل شەشىم وڭاي بولعان جوق. ەلگە ورالعان 2013 جىلدان بەرى 7 جىل ءوتتى. ايتسە دە «اق جول» دپ-سىنا كىرۋىمە بۇل ساياسي ۇيىمنىڭ ءوزىن قازىرگى قازاق ەلىنىڭ مىزعىماس ىرگەتاسىن قالاپ، شەكاراسىن بەلگىلەپ كەتكەن حح عاسىر باسىنداعى «الاش» پارتياسىنىڭ مۇراگەرى دەپ ءسوز جۇزىندە عانا ەمەس، جەتەكشىسى، 1938 جىلعى قاندى رەپرەسسيادا الاش ۇستانىمى ءۇشىن قۇربان بولعان «الاش» قايراتكەرى پەرۋاش كارىم ۇلىنىڭ نەمەرەسى ازات پەرۋاشيەۆ باستاعان پارتيانىڭ «الاش» يدەياسىن، قوزعالىسىن، پارتياسىن، اتاۋلاس ۇلتتىق جەرلى اۆتونومياسىن جانە «الاش» قايراتكەرلەرىن تياناقتى ىس-ارەكەتىمەن، قازاقشا-ورىسشا ماقالا-جاريالانىمدارىمەن، ۇلتتىق، حالىقارالىق عىلىمي بايقاۋلارىمەن، عىلىمي كونفەرەنسيالارىمەن مۇمكىندىگىنشە شارتاراپقا ناسيحاتتاپ كەلە جاتقان يگى ءىسى تۇرتكى بولدى. بۇگىن «الاش» تاقىرىبىن «اق جول»-دان ارتىق ناسيحاتتاعان پارتيا بار ما؟!. ال ءيسى قازاققا «الاش»-تان اسقان يدەيا تابىلا ما؟!

 

ءبىر دانىشپاننان «وڭ وزگەرىستەردى ۇزاق كۇتۋ كەرەك پە؟» دەپ سۇراپتى. سوندا دانىشپان: – ەگەر قول قۋسىرىپ كۇتسەڭ، يا، ۇزاق! – دەپ جاۋاپ بەرىپتى. ۇزاق كۇتۋگە زامان تارىلىپ بارادى. عىلىمنان باس تارتپاي، امالسىز بولسا دا ساياساتقا ارالاسقانىمدا مەنىڭ باسشىلىققا الاتىنىم التى الاش كوسەمى

 

ءاليحان بوكەيحاننىڭ مىنا وسيەت سوزدەرى بولماق:

 

– بۇل زاماندا جىلاپ مۇراتقا جەتەمىن دەۋ اش تۇيەنىڭ كۇيسەۋى بولادى؛

– بوتەن كىسى قازاققا ەشقايدان جاقسىلىق اكەلىپ بەرمەيدى. ءوز كۇشىنە، ءوز قۋاتىنا سەنبەگەن ادام دا، حالىق تا عۇمىر جۇزىندە بايگە المايدى. بىرەۋگە تەلمىرگەن ادامنان، حالىقتان قوساق تۇرتكەن جەتىم لاق باقىتتى؛

– ساياسات ءىسى بىرلىكپەن ورنىنا بارادى… بۇل ۇلگىلى ساياسات جولىندا جۇرت ادامىنا ءبىلىم-تاعلىم جول كورسەتەتىن ءىس، بۇعان قازاق جىگىتى كىرسە، ساياسات جولىنان ءتالىم الادى، كۇندەردىڭ كۇنىندە قازاق جۇرتىنا كەرەك بولاتىن ءىس اتقارادى؛

– بىزدە بىرلىك بولىپ، ءىس قىلا بىلەتىن شەبەر تابىلسا، الاشتىڭ بالاسى باقىت جولىنا ءتۇستى. كەيىنگى ءۇرىم-بۇتاق نە العىس، نە قارعىس بەرە جۇرەتىن الدىمىزدا زور شارتتار بار. وسىنى اڭعار، جۇرتىم قازاق!

– جۇرت ءىسىن ءتۇس كورمەي، وياۋ ءجۇرىپ ىزدەۋ ماقسات.

سۇلتان حان ءجۇسىپ،

«الاش» مادەنيەت جانە رۋحاني دامۋ ينستيتۋتىنىڭ ديرەكتورى، الاشتانۋشى عالىم، فيلولوگيا عىلىمى كانديداتى" دەپ جازدى جەلىدەگى جازباسىندا.