الماتى قالاسىنىڭ اكىمى باقىتجان ساعىنتايەۆ رەنوۆاسيا باعدارلاماسى اياسىندا مىڭداعان قالا تۇرعىنىنىڭ ءومىر ءسۇرۋ ساپاسىن جاقسارىپ، قۇرىلىس سالاسىنا ينۆەستيسيا تارتىلاتىنىن ايتتى.
قالادا 1444 ەسكى ءۇي بار. سونىڭ 609-ى تۇركسىب اۋدانىنا تيەسىلى. مۇندا "الماتى اكىمدىگىنىڭ كۇردەلى قۇرىلىس كاسىپورنى" 62 پاتەرگە ارنالعان 5 قاباتتى ەكى ءۇي تۇرعىزدى. ءۇش ەسكى ءۇيدىڭ (42 پاتەر) ورنىنا ينۆەستورلاردىڭ كۇشىمەن 152 پاتەرلىك 7 ءۇي بوي كوتەرەدى. وسيپەنكو كوشەسىندە 59 پاتەرلى ەكى ءۇيدىڭ قۇرىلىسى باستالادى. سونداي-اق جەكە ينۆەستوردىڭ ەسەبىنەن ەسكى ەكى قاباتتى 30 ءۇيدىڭ ورنىنا 1252 پاتەرگە ارنالعان 26 زاماناۋي بەس قاباتتى عيمارات سالۋ جوسپارلانۋدا.
مەدەۋ اۋدانىندا 21 پاتەرگە ارنالعان ەسكى ءۇش ءۇيدىڭ ورنىندا 303 پاتەرلى 6 ءۇيدىڭ قۇرىلىسى اياقتالۋدا. جەتىسۋ اۋدانىندا 70 پاتەرلى 8 ەسكى ءۇيدىڭ ورنىنا ينۆەستورلاردىڭ كۇشىمەن 489 پاتەرلى 7 ءۇيدىڭ قۇرىلىسىن جۇرگىزۋ كوزدەلگەن" دەلىنگەن اكىمنىڭ instagram پاراقشاسىنداعى جازبادا.
پىكىر قالدىرۋ