مينيسترلىك تاراتقان اقپاراتتىق حابارلاماعا ساي، تامىز ايىندا وتاندىق اۆتوديلەرلەر جالپى سوماسى 94،4 ملرد تەڭگەگە 8 639 جەڭىل اۆتوكولىك پەن كوممەرسيالىق تەحنيكانى، سونداي-اق 1 112 جۇك كولىگى مەن اۆتوبۋس ساتقان. بۇل وتكەن جىلدىڭ تامىزىمەن سالىستىرعاندا 49،8 پايىزعا ارتىق.

"بارلىق ساتىلىمداردىڭ 67%-دان استامىن بەس ءتۇرلى ماركا قۇرايدى. بۇل ايدا جەڭىل اۆتوموبيلدەردىڭ ىشىندە Hyundai ماركالى كولىكتەر ەڭ كوپ ساتىلىپ، 1697-گە جەتتى. اتالعان كورسەتكىش بيىلعى شىلدە ايىمەن سالىستىرعاندا 37،1% كوپ. ەكىنشى ورىندا 1642 كورسەتكىشپەن Lada اۆتوكولىگى تۇر. نارىققا ناۋرىزدا ورالعان Chevrolet اۆتوكولىكتەرىنىڭ تامىزدا 1279-ى ساتىلىپ، 258% ءوسىم كورسەتتى. ءتورتىنشى ورىندا 1173 داناسى ساتىلعان Toyota اۆتوكولىگى. ءوسىم +38% قۇرادى.

B سىنىپتى قولجەتىمدى لوكاليزاسيالانعان ۇلگىلەرىنە سۇرانىس بۇرىنعىسىنشا ارتىپ كەلەدى.

تامىزدا وسى سەگمەنتتىڭ ءبىر بولىگىن الاتىن قوستانايدا قۇراستىرىلعان Ravon اۆتوموبيلدەرىنىڭ 817 داناسى ساتىلدى. التىنشى ورىندا تۇرعان Kia كولىكتەرىنىڭ 587ء-سى وتكەن ايدا ساتىلدى. JAC ديلەرلەرى 408 اۆتوموبيل ساتتى. (+148،8%). تامىز ايىندا سەگىزىنشى ورىنعا Volkswagen اۆتوموبيلدەرى جايعاستى. 281 داناسى ساتىلىپ، +24،3% ءوسىم كورسەتتى. العاشقى وندىقتى تۇيىندەيتىن Nissan جانە Renault ماركالارى تيىسىنشە 247 جانە 215 بىرلىكتى قۇراپ، 22،3% جانە 18،1% ارتقان.

جەڭىل مودەلدەر بويىنشا تامىزدا 730 بىرلىگى ساتىلعان Ravon Nexia R3 سەدان كوش باستاپ تۇر.  ەكىنشى ورىنعا العاش رەت Chevrolet Cobalt شىقتى – 675 سەدان. تامىزدىڭ ۇزدىك ۇشتىگىن 608 اۆتوموبيل ناتيجەسىمەن Lada Vesta تۇيىندەدى. ءتورتىنشى ورىندا – Hyundai Accent (553 بىرلىك). بۇدان ءارى ءتىزىم بويىنشا: Toyota Camry (486 بىرلىك)، Lada Granta (460 بىرلىك)، Hyundai Tucson (422 بىرلىك)، Kia Rio (343 بىرلىك)، Hyundai Creta (330 بىرلىك)، Lada 4x4 (299 بىرلىك)" دەلىنگەن اقپاراتتىق حابارلامادى.