قازاقستان پرەزيدەنتى قاسىم-جومارت توقايەۆتىڭ قاتىسۋىمەن وتكەن ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا قۇقىققورعاۋشى ايگۇل ورىنبەك اتقارۋشى بيلىكتىڭ جۇمىسى تۋرالى ايتتى.
– قۇرمەتتى قاسىم-جومارت كەمەل ۇلى! ءسىزدىڭ تاجىريبەڭىزدەن جەرگىلىكتى اكىمدەر ۇلگى الۋى كەرەك دەپ ويلايمىن. وكىنىشكە قاراي، ءبىزدىڭ وڭتۇستىكتە حالىقتىڭ ءۇنىن تىڭدايتىن، جەرگىلىكتى جۇرتتىڭ پروبلەمالارىن جاقسى بىلەتىن قوعام بەلسەندىلەرىنىڭ پىكىرى ەسكەرىلمەيدى. سەنسەڭىز، اتقارۋشى ورگان سول ايتىلعان پروبلەمالاردى جويۋدىڭ ورنىنا، كەرىسىنشە ماسەلە كوتەرىپ، حالىققا جاناشىرلىق تانىتقاندارعا قىسىم كورسەتەدى. وزىڭمەن الىسىپ، اكتۋالدى ماسەلە جايىنا قالادى. مەن بىلگەن ماسەلەنى اتقارۋشى بيلىك وكىلدەرى بىلمەۋى مۇمكىن ەمەس. ماعان ايتقان ماسەلەنىڭ ولارعا ايتىلماۋى دا مۇمكىن ەمەس. ەندىگى جەردە كوزبوياۋشىلىقتى دوعارۋ كەرەك دەپ ويلايمىن نەمەسە قىزمەتتىك قۇرىلىمداردى، ونداعى باسشىلىق قۇرامدى قايتا جاساقتاۋ قاجەت، – دەدى قۇقىق قورعاۋشى.
پىكىر قالدىرۋ