تالعات جانجۇمەنوۆ يندۋستريا جانە ينفراقۇرىلىمدىق دامۋ ۆيسە-مينيسترى قىزمەتىنەن بوساتىلدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
"ۇكىمەت قاۋلىسىمەن تالعات جەڭىس ۇلى جانجۇمەنوۆ بەرگەن وتىنىشىنە سايكەس قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيسە-مينيسترى قىزمەتىنەن بوساتىلدى" دەلىنگەن رەسمي سايت تاراتقان حابارلامادا.
تالعات جانجۇمەنوۆ 1968 جىلى شىعىس قازاقستان وبلىسىندا تۋعان. لەنين كومسومولى اتىنداعى ۆولسكوە جوعارى اسكەري تىل ۋچيليششەسىن، رف قك تىل جانە كولىك اسكەري اكادەمياسىن، رف قك باس شتابىنىڭ اسكەري اكادەمياسىن بىتىرگەن.
ەڭبەك جولىن قازاقستان قارۋلى كۇشتەرىندە اسكەري قىزمەتتە باستاعان. 2019 جىلى سيفرلىق دامۋ، قورعانىس جانە اەروعارىش ونەركاسىبى ءبىرىنشى ۆيسە-مينيسترى قىزمەتىن اتقاردى.
2019 جىلعى ماۋسىمنان باستاپ قازىرگى ۋاقىتقا دەيىن يندۋستريا جانە ينفراقۇرىلىمدىق دامۋ ۆيسە-مينيسترى قىزمەتىن اتقارعان.
