الەۋمەتتىك جەلىدە الماتى تۇرعىنى باحىتجان نۇرتازين كوروناۆيرۋسقا قارسى ەكپە سالدىرعاننان كەيىن قايتىس بولعانى تۋرالى اقپارات تارادى. الماتىنىڭ قوعامدىق دەنساۋلىق ساقتاۋ باسقارماسى ازامات ۆاكسينانىڭ ەكىنشى دوزاسىن سالدىرعاننان كوز جۇمعانىن راستاپ، ولىمگە نە سەبەپ بولعانى انىقتالىپ جاتقانىن ءمالىم ەتتى.

باسقارما دەرەگىنشە، ب.نۇرتازين ۆاكسينانىڭ العاشقى دوزاسىن سالدىرۋ ءۇشىن ەمحاناعا 12 ساۋىردە جۇگىنگەن.

"پروسەدۋرا حاتتاماعا ساي ءوتتى. ۆانسيناسيادان كەيىن نۇرتازين 30 مينۋت باقىلاۋدا بولدى. دەنساۋلىعىنا شاعىمدانبادى. 21 كۇننەن كەيىن ۆاكسينانىڭ ەكىنشى كومپونەنتىن الدى. دارىگەر قاراعان كەزدە جاعدايى قاناعاتتانارلىق بولعان. 30 مينۋت باقىلانعان سوڭ نۇرتازين ۇيىنە قايتقان. دەنساۋلىعى ۇيىندە ناشارلاعان. ازامات جەدەل جاردەم كەلگەنگە دەيىن ءجۇرىپ كەتتى" دەپ حابارلاعان باسقارماداعىلار ازىرگە قولدا بار اقپارات بويىنشا، ولىمگە جۇرەك تالماسى سەبەپ بولعانىن ايتادى.

باسقارماداعىلار ءولىم سەبەبىن انىقتاۋ ءۇشىن تەرگەۋ جۇرگىزىلىپ جاتقانىن، سوتمەد ساراپتاما تاعايىندالعانىن ءمالىم ەتتى.

"ناتيجە قوسىمشا حابارلانادى. تولىققاندى دياگنوز گيستولوگيالىق زەرتتەۋدەن كەيىن بەلگىلى بولادى" دەلىنگەن باسقارما تاراتقان اقپاراتتى حابارلامادا.

بۇل – ۆاكسينا سالدىرعاننان كەيىن ارتى ولىمگە ۇلاسقانى كوپشىلىككە تارالعان قازاقستانداعى العاشقى جاعداي. 6 مامىرداعى مالىمەت بويىنشا، ەلدە 1 ملن 565 مىڭ 681 ادام كورونوۆيرۋسقا قارسى ۆاكسينا سالدىرعان.