جامبىل وبلىسى گۆاردەيسكيي كەنتىندە اسكەري بورىشىن وتەپ جۇرگەن سارباز وزىنە قول جۇمسادى.
"82796" اسكەري ءبولىمىنىڭ مەرزىمدى قىزمەتتەگى ساربازى كازارما عيماراتىنىڭ 4ء-شى قاباتىنداعى تەرەزەدەن سەكىرىپ قايتىس بولعان.
– جۇرگىزىلگەن رەانيماسيالىق شارالارعا قاراماستان، 2021 جىلعى 20 مامىردا اسكەري قىزمەتكەر قايتىس بولدى. قورعانىس مينيسترلىگى مارقۇمنىڭ تۋىستارى مەن جاقىندارىنا قايعىرىپ كوڭىل ايتادى، – دەدى ۆەدومستۆو وكىلى.
ءقازىر قۇقىق قورعاۋ ورگاندارى تەرگەۋ جۇرگىزىپ جاتىر. تەرگەۋ مۇددەسى ءۇشىن جانە مارقۇمنىڭ تۋىستارىنىڭ قالاۋى بويىنشا باسقا اقپارات جاريا ەتىلمەيتىنى حابارلاندى.
مارقۇم اسكەري قىزمەتكە 2021 جىلعى ساۋىردە شاقىرىلعان، 15 مامىردا انت قابىلداعان.
"82796" اسكەري ءبولىمى جامبىل وبلىسى قورداي اۋدانىنىڭ گۆاردەيسكيي كەنتىندە ورنالاسقان.
پىكىر قالدىرۋ