الماتى وبلىسىنىڭ تۇرعىنى وزىنەن كولىك ساتىپ الۋعا كەلگەن ازاماتتى پىشاقتاپ، 10 ملن تەڭگەسىن الىپ كەتتى، دەپ حابارلادى Polisia.kz سايتى.

ەڭبەكشىقازاق اۋداندىق پوليسيا باسقارماسى كەزەكشى بولىمىنە اۋداندىق اۋرۋحاناعا ارقاسىنا پىشاق سۇعىلعان الماتى قالاسىنىڭ 33 جاستاعى تۇرعىنى كەلىپ تۇسكەنى تۋرالى حابارلاما تۇسكەن. پوليسياداعىلار بۇل فاكتىنى تىركەپ، ىزدەۋ شارالارىن باستاعان.

– كولىك ساتىپ الۋشىمەن كەزدەسكەن كۇدىكتى سۋىق قارۋ قولدانعانى بەلگىلى بولدى. ول جابىرلەنۋشىنىڭ Toyota Camry 70 اۆتوكولىگىن ساتىپ الۋعا ارنالعان شامامەن 10 ميلليون تەڭگە كولەمىندەگى اقشاسىن الىپ العان، – دەيدى ەڭبەكشىقازاق اۋداندىق پب باستىعى جاقسىلىق التىنبايەۆ.

كولىك ساتىپ الۋشى مەن ساتۋشىنىڭ كەزدەسۋى، اقشا بەرۋ پروسەسى ەسىك قالاسىندا بولعان.

– ەر ادامدى تەز انىقتاپ، ۇستاۋ مۇمكىن بولدى. ونى كۋاگەرلەر دە، جابىرلەنۋشى دە تانىدى. ول ەسىك قالاسىنىڭ 22 جاستاعى تۇرعىنى بولىپ شىقتى. قازىرگى ۋاقىتتا وعان قاتىستى ق ر قىلمىستىق كودەكسىنىڭ 192-بابى، 4-بولىگى، 1-تارماعى (قاراقشىلىق) بويىنشا قىلمىستىق ءىس قوزعالدى. ۇستالعان ادام قىلمىسىن مويىنداپ، ۋاقىتشا ۇستاۋ يزولياتورىنا قامالدى، – دەيدى جاقسىلىق التىنبايەۆ.